ಇನ್ನು ಮುಂದೆ ಮೌಖಿಕ ಉಲ್ಲೇಖವಿಲ್ಲ, ತುರ್ತು ವಿಚಾರಣೆಗೆ ಲಿಖಿತ ರೂಪದಲ್ಲಿ ನೀಡಿ: ನೂತನ CJI

ನವದೆಹಲಿ: ಪ್ರಕರಣಗಳ ತುರ್ತು ಪಟ್ಟಿ ಮತ್ತು ವಿಚಾರಣೆಗಳ ಮೌಖಿಕ ಸಲ್ಲಿಕೆಗಳಿಗೆ ಅವಕಾಶವಿರುವುದಿಲ್ಲ ಎಂದು ಹೇಳಿರುವ ಭಾರತದ ನೂತನ ಮುಖ್ಯ ನ್ಯಾಯಮೂರ್ತಿ ಸಂಜೀವ್ ಖನ್ನಾ, ಇದಕ್ಕಾಗಿ ಇಮೇಲ್ ಅಥವಾ ಲಿಖಿತ ಪತ್ರಗಳನ್ನು ಕಳುಹಿಸುವಂತೆ ವಕೀಲರನ್ನು ಒತ್ತಾಯಿಸಿದರು.

ಸಾಮಾನ್ಯವಾಗಿ ವಕೀಲರು ತಮ್ಮ ಪ್ರಕರಣಗಳನ್ನು ಮುಖ್ಯ ನ್ಯಾಯಮೂರ್ತಿಗಳ ನೇತೃತ್ವದ ಪೀಠದ ಮುಂದೆ ದಿನದ ವಿಚಾರಣೆಯ ಪ್ರಾರಂಭದಲ್ಲಿ ಸರದಿಯಿಲ್ಲದ ಪಟ್ಟಿಗಳಿಗೆ ಮತ್ತು ತುರ್ತು ಆಧಾರದ ಮೇಲೆ ವಿಚಾರಣೆಗೆ ಉಲ್ಲೇಖಿಸುತ್ತಾರೆ.

ಇನ್ನು ಮುಂದೆ ಯಾವುದೇ ಲಿಖಿತ ಅಥವಾ ಮೌಖಿಕ ಉಲ್ಲೇಖಗಳಿಲ್ಲ. ಇಮೇಲ್ ಅಥವಾ ಲಿಖಿತ ಸ್ಲಿಪ್/ಪತ್ರಗಳಲ್ಲಿ ಮಾತ್ರ ತುರ್ತು ಕಾರಣಗಳನ್ನು ತಿಳಿಸಬೇಕು ಎಂದು ಸಿಜೆಐ ಹೇಳಿದರು.

ನ್ಯಾಯಾಂಗ ಸುಧಾರಣೆಗಳಿಗಾಗಿ ನಾಗರಿಕ ಕೇಂದ್ರಿತ ಕಾರ್ಯಸೂಚಿಯನ್ನು ವಿವರಿಸಿದ ಮುಖ್ಯ ನ್ಯಾಯಮೂರ್ತಿಗಳು ಸಾಮಾನ್ಯ ನಾಗರಿಕರಿಗೆ ಸುಲಭವಾಗಿ ನ್ಯಾಯ ವಿಲೇವಾರಿಯಾಗಲು ಮತ್ತು ನಾಗರಿಕರಿಗೆ ಅವರ ಸ್ಥಾನಮಾನವನ್ನು ಲೆಕ್ಕಿಸದೆ ಸಮಾನತೆ ಒದಗಿಸುವುದು ನ್ಯಾಯಾಂಗದ ಸಾಂವಿಧಾನಿಕ ಕರ್ತವ್ಯವಾಗಿದೆ ಎಂದು ಹೇಳಿದರು.