ಬೆಂಗಳೂರು ಸೈನ್ಸ್ ಎಕ್ಸ್ಪೋ: ಚಂದ್ರಯಾನ-4 ಮಿಷನ್ ಮಾದರಿ ಅನಾವರಣ

ಬೆಂಗಳೂರು: ಚಂದ್ರನ ಮೇಲಿನ ಬಂಡೆಗಳು ಮತ್ತು ಮಣ್ಣನ್ನು (ರೆಗೋಲಿತ್) ಭೂಮಿಗೆ ಹಿಂದಿರುಗಿಸುವ ಗುರಿಯನ್ನು ಹೊಂದಿರುವ ಚಂದ್ರಯಾನ 4 ಮಿಷನ್‌ನ ಮಾದರಿಯನ್ನು ಬೆಂಗಳೂರು ಸೈನ್ಸ್ ಎಕ್ಸ್‌ಪೋದಲ್ಲಿ ಸಾರ್ವಜನಿಕರಿಗೆ ಮೊದಲ ಬಾರಿಗೆ ಪ್ರದರ್ಶಿಸಲಾಯಿತು. ಚಂದ್ರಯಾನ 4 ಮಾದರಿಯ ಜೊತೆಗೆ, ಇಸ್ರೋ ನೆಕ್ಸ್ಟ್ ಜನರೇಷನ್ ಲಾಂಚ್ ವೆಹಿಕಲ್ (NGLV) ಮತ್ತು ಹ್ಯೂಮನ್-ರೇಟೆಡ್ ಲಾಂಚ್ ವೆಹಿಕಲ್ MK3 (HRLV) ನ್ನು ಸಹ ಪ್ರದರ್ಶಿಸಿತು.

ಚಂದ್ರಯಾನ 4 ಮಿಷನ್ ಚಂದ್ರನ ಮೇಲ್ಮೈಯಲ್ಲಿ ಇಳಿಯಲು, ಮಾದರಿಗಳನ್ನು ಸಂಗ್ರಹಿಸಿ ಭೂಮಿಗೆ ಕಳುಹಿಸುವಂತೆ ವಿನ್ಯಾಸಗೊಳಿಸಲಾಗಿದೆ — ಐದು ಪ್ರಮುಖ ಮಾಡ್ಯೂಲ್‌ಗಳನ್ನು ಎರಡು ರಾಶಿಗಳಾಗಿ ವಿಂಗಡಿಸಲಾಗಿದೆ ಎಂದು ಇಸ್ರೋ ಅಧಿಕಾರಿಯೊಬ್ಬರು TNIE ಪ್ರತಿನಿಧಿಗೆ ತಿಳಿಸಿದ್ದಾರೆ. “ಸ್ಟಾಕ್ 1 ಆರೋಹಣ ಮತ್ತು ಅವರೋಹಣ ವಿಧಾನವನ್ನು ಒಳಗೊಂಡಿದೆ, ಎರಡೂ ಚಂದ್ರನ ಮಾದರಿಗಳನ್ನು ಸಂಗ್ರಹಿಸುವ ಜವಾಬ್ದಾರಿಯನ್ನು ಹೊಂದಿದೆ ಎಂದರು.

ಸ್ಟ್ಯಾಕ್ 2 ಥ್ರಸ್ಟ್‌ಗಾಗಿ ಪ್ರೊಪಲ್ಷನ್ ಮಾಡ್ಯೂಲ್, ಮಾದರಿಗಳನ್ನು ಸ್ವೀಕರಿಸಲು ಮತ್ತು ಹಿಡಿದಿಡಲು ಟ್ರಾನ್ಸ್‌ಫರ್ ಮಾಡ್ಯೂಲ್ ಮತ್ತು ಭೂಮಿಗೆ ಮರಳಿ ತರಲು ಮರು-ಪ್ರವೇಶ ಮಾಡ್ಯೂಲ್ ನ್ನು ಒಳಗೊಂಡಿದೆ ಎಂದು ಅಧಿಕಾರಿ ವಿವರಿಸಿದರು.

ಕಡಿಮೆ ವೆಚ್ಚದ ಮಾದರಿ: ಈ ಕಾರ್ಯಾಚರಣೆಯು ಡಾಕಿಂಗ್, ಬಾಹ್ಯಾಕಾಶದಲ್ಲಿ ಎರಡು ಬಾಹ್ಯಾಕಾಶ ನೌಕೆಗಳನ್ನು ಸೇರುವುದು ಮತ್ತು ಚಂದ್ರನ ಸುತ್ತ ಸುತ್ತುತ್ತಿರುವಾಗ ಅನ್‌ಡಾಕಿಂಗ್ ಕಾರ್ಯಾಚರಣೆಗಳನ್ನು (ಅವುಗಳನ್ನು ಬೇರ್ಪಡಿಸುವುದು) ಒಳಗೊಂಡಿರುತ್ತದೆ. ಈ ಕಾರ್ಯಾಚರಣೆಯು ಎರಡು ರಾಕೆಟ್‌ಗಳನ್ನು ಬಳಸಿಕೊಳ್ಳುತ್ತದೆ — ಲಾಂಚ್ ವೆಹಿಕಲ್ ಮಾರ್ಕ್-3 (LVM-3), ಇದು ದೊಡ್ಡ ಪೇಲೋಡ್‌ಗಳನ್ನು ಸಾಗಿಸಲು ವಿನ್ಯಾಸಗೊಳಿಸಲಾದ ಹೆವಿ-ಲಿಫ್ಟರ್ ಮತ್ತು ಅದರ ವಿಶ್ವಾಸಾರ್ಹತೆಗೆ ಪೋಲಾರ್ ಸ್ಯಾಟಲೈಟ್ ಲಾಂಚ್ ವೆಹಿಕಲ್ (PSLV) ಆಗಿದೆ. ಪ್ರತಿಯೊಂದು ರಾಕೆಟ್ ಚಂದ್ರನಿಗೆ ಮಿಷನ್‌ನ ಉಪಕರಣದ ವಿಭಿನ್ನ ಭಾಗವನ್ನು ಸಾಗಿಸುತ್ತದೆ. ಬಾಹ್ಯಾಕಾಶ ನೌಕೆಯು ಚಂದ್ರನ ಕಕ್ಷೆಯಲ್ಲಿ ಸಂಪರ್ಕಗೊಂಡು ಸಂಪರ್ಕ ಕಡಿತಗೊಳ್ಳುತ್ತದೆ, ಒಂದು ರಾಕೆಟ್ ಭಾರವಾದ ಉಪಕರಣಗಳನ್ನು ಹೊತ್ತೊಯ್ಯುತ್ತದೆ ಮತ್ತು ಇನ್ನೊಂದು ಹೆಚ್ಚುವರಿ ಪೇಲೋಡ್‌ಗಳನ್ನು ಹೊತ್ತೊಯ್ಯುತ್ತದೆ.

ತನ್ನ ಕೇಂದ್ರಗಳಾದ್ಯಂತ, ಇಸ್ರೋ ಕಡಿಮೆ ಸಮಯದಲ್ಲಿ ಹೆಚ್ಚಿನ ಸಂಶೋಧನಾ ಉಡಾವಣೆಗಳನ್ನು ಸಕ್ರಿಯಗೊಳಿಸಲು ‘ಸ್ಟಾಕ್ ಮಾಡ್ಯೂಲ್’ಗಳೊಂದಿಗೆ ವೆಚ್ಚ-ಪರಿಣಾಮಕಾರಿ ಮಾದರಿಗಳನ್ನು ಅಭಿವೃದ್ಧಿಪಡಿಸಲು ಕೆಲಸ ಮಾಡುತ್ತಿದೆ.

ಇಸ್ರೋ ಭಾರತೀಯ ಅಂತರಿಕ್ಷ್ ಸ್ಟೇಷನ್ (ಬಿಎಎಸ್-1) ನ್ನು ಎಕ್ಸ್ ಪೋದಲ್ಲಿ ಪ್ರದರ್ಶಿಸಲಾಗಿತ್ತು. ಈ ಮಾದರಿಯನ್ನು ಇತ್ತೀಚೆಗೆ ರಾಷ್ಟ್ರೀಯ ಬಾಹ್ಯಾಕಾಶ ದಿನದಂದು ನವದೆಹಲಿಯಲ್ಲಿ ಪ್ರದರ್ಶಿಸಲಾಗಿತ್ತು.

ಯೋಜನೆಯ ಸಂಕೀರ್ಣತೆಯಿಂದಾಗಿ ಎಲ್ಲಾ ಘಟಕಗಳನ್ನು ಒಟ್ಟಿಗೆ ಉಡಾವಣೆ ಮಾಡಲು ಸಾಧ್ಯವಿಲ್ಲ ಎಂದು ಇಸ್ರೋ ಅಧಿಕಾರಿ ತಿಳಿಸಿದ್ದಾರೆ. ಬದಲಾಗಿ, ವಿವಿಧ ಮಾಡ್ಯೂಲ್‌ಗಳನ್ನು ವಿವಿಧ ರಾಕೆಟ್‌ಗಳಿಂದ ಪ್ರತ್ಯೇಕವಾಗಿ ಉಡಾವಣೆ ಮಾಡಿ ನಂತರ ಕಕ್ಷೆಯಲ್ಲಿ ಜೋಡಿಸಲಾಗುತ್ತದೆ.

ಭಾರತೀಯ ಅಂತರಿಕ್ಷ ಕೇಂದ್ರದಲ್ಲಿ(BAS) ಡಾಕಿಂಗ್ ಪ್ರಕ್ರಿಯೆಯು ವಿವಿಧ ಮಾಡ್ಯೂಲ್‌ಗಳನ್ನು ತರುವ ವಿಭಿನ್ನ ಬಾಹ್ಯಾಕಾಶ ನೌಕೆಗಳನ್ನು ಒಳಗೊಂಡಿರುತ್ತದೆ. ಒಮ್ಮೆ ಜೋಡಿಸಿದ ನಂತರ, BAS ಬಾಹ್ಯಾಕಾಶ ಪ್ರಯೋಗಗಳಿಗಾಗಿ ವಿದ್ಯಾರ್ಥಿಗಳು ಮತ್ತು ಇತರ ಬಾಹ್ಯಾಕಾಶ ಏಜೆನ್ಸಿಗಳ ನಡುವೆ ಸಹಯೋಗ ತರುತ್ತದೆ. ಅಂತರಿಕ್ಷ ಕೇಂದ್ರ ಭೂಮಿಯಿಂದ 100 ಕಿಮೀ ದೂರದಲ್ಲಿ ಸುತ್ತುತ್ತದೆ. ಇದು ಅಂತಾರಾಷ್ಟ್ರೀಯ ಬಾಹ್ಯಾಕಾಶ ನಿಲ್ದಾಣ (ISS) ನಂತೆ ಬರಿಗಣ್ಣಿಗೆ ಗೋಚರಿಸುವಂತೆ ವಿನ್ಯಾಸಗೊಳಿಸಲಾಗಿದೆ ಮತ್ತು ಆಕಾಶದಲ್ಲಿ ಚಲಿಸುವ ನಕ್ಷತ್ರದಂತೆ ಗೋಚರಿಸುವ ಮೂಲಕ ಕಾರ್ಯಾಚರಣೆಗಳನ್ನು ಸಹ ಬೆಂಬಲಿಸುತ್ತದೆ.