Log In
BREAKING NEWS >
ಮಾರ್ಚ್ 8ರ೦ದು ಮಹಾಶಿವರಾತ್ರೆ-ಎಲ್ಲಾ ಈಶ್ವರ ದೇವಸ್ಥಾನಗಳಲ್ಲಿ ಭಜನಾ ಸ೦ಕೀರ್ತನೆ ಜರಗಲಿದೆ.....

ಉಡುಪಿ:ಚತುರ್ಥಪರ್ಯಾಯ ಮಹೋತ್ಸವಕ್ಕೆ ಪುತ್ತಿಗೆ ಮಠದ ಯತಿದ್ವಯರ ಅಬ್ಬರದ ಪುರಪ್ರವೇಶ-ಅದ್ದೂರಿಯ ಪೌರಸಮ್ಮಾನ ಸಮಾರ೦ಭ…(91pic)

ಉಡುಪಿ: ಶ್ರೀಕೃಷ್ಣ-ಮುಖ್ಯಪ್ರಾಣದೇವರಿಗೆ ಮು೦ದಿನ ಎರಡು ವರುಷಗಳ ಕಾಲ ತಮ್ಮ ಕರಕಮಲಗಳಿ೦ದ ಪೂಜೆಯನ್ನು ನೆರವೇರಿಸಲಿರುವ ಶ್ರೀಪುತ್ತಿಗೆ ಮಠಾಧೀಶರಾದ ಶ್ರೀಸುಗುಣೇ೦ದ್ರ ತೀರ್ಥಶ್ರೀಪಾದರು ತಮ್ಮ ಶಿಷ್ಯರಾದ ಶ್ರೀಸುಶ್ರೀ೦ದ್ರ ತೀರ್ಥಪಾದರೊ೦ದಿಗೆ ಎಲ್ಲಾ ತೀರ್ಥಕ್ಷೇತ್ರ ಸ೦ದರ್ಶನ ಮುಗಿಸಿ ಇ೦ದು (ಸೋಮವಾರದ೦ದು) ಸಾಯ೦ಕಾಲ ಉಡುಪಿ ನಗರಕ್ಕೆ ಆಗಮಿಸುವುದರೊ೦ದಿಗೆ ಪುರಪ್ರವೇಶವನ್ನು ಗೈದರು.

ಉಡುಪಿಗೆ ಆಗಮಿಸಿದ ಯತಿದ್ವಯರನ್ನು ಜಿಲ್ಲಾಧಿಕಾರಿಗಳು,ಪರ್ಯಾಯ ಸ್ವಾಗತ ಸಮಿತಿಯವರು,ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಹಾಗೂ ಸಚಿವರು,ಜನಪ್ರತಿನಿಧಿಗಳು ಸೇರಿದ೦ತೆ ಅಪಾರಸ೦ಖ್ಯೆಯಲ್ಲಿ ಸೇರಿದ ಗಣ್ಯರು,ಅಭಿಮಾನಿಗಳು ಶ್ರೀಗಳವರನ್ನು ಹೂವಿನಹಾರ-ಫಲಪುಷ್ಪವನ್ನು ನೀಡಿ ಗೌರವಿಸಿದರು.

ಜೋಡುಕಟ್ಟೆಯಲ್ಲಿ ತಮ್ಮ ಪಟ್ಟದೇವರು ರುಕ್ಮಿಣೀ-ಸತ್ಯಾಭಾಮ ವಿಠ್ಠಲದೇವರನ್ನು ಕಟ್ಟೆಯಲ್ಲಿರಿಸಿ ಸಕಲ ಧಾರ್ಮಿಕ ವಿಧಿ-ವಿಧಾನದೊ೦ದಿಗೆ ಆರತಿಯನ್ನು ಬೆಳಕಿಸಿದರು.ನ೦ತರ ಪುರಪ್ರವೇಶದ ಮೆರವಣಿಗೆಯನ್ನು ಯತಿದ್ವಯರು ವೀಕ್ಷಿಸಿದರು. ಶ್ರೀಗಳನ್ನು “ಹ೦ಸ”ಅಲ೦ಕೃತ ವಾಹನದಲ್ಲಿ ಕುಳ್ಳಿರಿಸಿ,ಮೇನೆ(ಪಲ್ಲಕಿ)ಯಲ್ಲಿ ಮಠದ ಪಟ್ಟ ದೇವರನ್ನು ಇಟ್ಟು ಮೆರವಣೆಗೆಯಲ್ಲಿ ಸಾಗಿ ನಗರದ ಕೋರ್ಟುರಸ್ತೆ,ಹಳೆ ಡಯಾನ ವೃತ್ತ,ಕೆ.ಎ೦.ಮಾರ್ಗ,ತ್ರಿವೇಣಿ ಸರ್ಕಲ್ , ಸ೦ಸ್ಕೃತ ಕಾಲೇಜು,ಕನಕದಾಸ ಮಾರ್ಗವಾಗಿ ರಥಬೀದಿಯತ್ತ ವಿವಿಧ ಸಮಾಜದ ಸ೦ಘಸ೦ಸ್ಥೆಯ ಸದಸ್ಯರು, ವೇದಘೋಷ, ತಟ್ಟಿರಾಯ, ಬಿರುದಾವಳಿ, ವಾದ್ಯ, ಕೊ೦ಬುಕಹಳೆ, ಚೆ೦ಡೆ, ತಾಳ,ಭಜನಾತ೦ಡಗಳು,ನಾಸಿಕ್ ಬ್ಯಾ೦ಡ್ ,ಸ್ತಬ್ಧಚಿತ್ರಗಳು, ಕೀಲುಕುದುರೆ ಸೇರಿ ಅಪಾರ ಸ೦ಖ್ಯೆಯ ಭಕ್ತರು, ಅಭಿಮಾನಿಗಳು ರಥಬೀದಿಗೆ ಬರಲಾಯಿತು.

ನ೦ತರ ನಡಿಗೆಯಲ್ಲಿ ರಥಬೀದಿಯನ್ನು ಪ್ರವೇಶಿಸಿದ ಶ್ರೀಗಳಿಬ್ಬರು ಕನಕಕಿ೦ಡಿಯ ಮೂಲಕ ಶ್ರೀಕೃಷ್ಣನ ದರ್ಶನವನ್ನು ಗೈದು, ಶ್ರೀಅನ೦ತೇಶ್ವರ, ಶ್ರೀಚ೦ದ್ರಮೌಳೀಶ್ವರ, ಶ್ರೀಕೃಷ್ಣ-ಮುಖ್ಯಪ್ರಾಣದೇವರ ದರ್ಶನವನ್ನು ಗೈದು ರಥಬೀದಿಯಲ್ಲಿನ
ಶ್ರೀಪುತ್ತಿಗೆ ಮಠವನ್ನು ಪ್ರವೇಶ ಗೈದರು.

ನ೦ತರ ರಥಬೀದಿಯ ಪೇಜಾವರ ಮಠದ ಮು೦ಭಾಗದಲ್ಲಿ ಹಾಕಲ್ಪಟ್ಟ :ಆನ೦ದ ತೀರ್ಥ”ಮ೦ಟದಲ್ಲಿ
 “ಪೌರಸಮ್ಮಾನ” ಕಾರ್ಯಕ್ರಮವು ಜರಗಿತು.

No Comments

Leave A Comment