ಉಡುಪಿಯಲ್ಲಿ ನಾಯಿಗಳಿಗೂ ಟ್ಯಾ೦ಕರ್ ನೀರೇಗತಿ…

ಉಡುಪಿಯಲ್ಲಿ ಪ್ರತಿವರ್ಷವೂ ಮನೆಗಳ ಸ೦ಖ್ಯೆ ಸೇರಿದ೦ತೆ ವಸತಿಗೃಹಗಳ ಸ೦ಖ್ಯೆಯು ಹೆಚ್ಚುತ್ತಿದೆ.ಅದರ೦ತೆಯೇ ನೀರಿನ ಹಾಗೂ ವಿದ್ಯುತ್ ಸೇರಿದ೦ತೆ ಎಲ್ಲ ವಸ್ತುಗಳ ಬೇಡಿಕೆಯು ಹೆಚ್ಚುತ್ತಿದೆ.ಮಳೆಯು ಈ ಬಾರಿ ಕೈಕೊಟ್ಟಕಾರಣದಿ೦ದಾಗಿ ಮಾತ್ರವಲ್ಲದೇ ಮದುವೆ ಇನ್ನಿತರ ಕಾರ್ಯಕ್ರಮಗಳೂ,ಉತ್ಸವ,ಹೋಮ,ದೇವಸ್ಥಾನಗಳ ಜೀರ್ಣೋದ್ದಾರ,ಕೋಲ,ತ೦ಬಿಲಗಳು ನಡೆದಿರುವುದರಿ೦ದಾಗಿ ನೀರಿನ ಬಳಕೆಯು ಹೆಚ್ಚಿದ್ದು ಇದರಿ೦ದಾಗಿ ಈ ಬಾರಿ ಹಿ೦ದಿಗಿ೦ತಲೂ ನೀರಿನ ಅಭಾವವ೦ತೂ ಹೆಚ್ಚಿದೆ.

ನಗರಸಭೆಯು ಬಜೆಡ್ಯಾ೦ನಲ್ಲಿಯೂ ನೀರಿನ ಮಟ್ಟವು ಕುಸಿದೆ ಎನ್ನಲಾಗುತ್ತಿದೆ.ನಗರದಲ್ಲಿ ಇದ್ದ ಸರಕಾರಿ ಬಾವಿಗಳು ಕೆಲವೊ೦ದು ಕಾರಣದಿ೦ದ ಮುಚ್ಚಲಾಗಿದೆ.ಮಳೆಬ೦ದರೆ ನೀರು ಭೂಮಿ ಇ೦ಗುವ ಬದಲು ಸಮುದ್ರಪಾಲಾಗುತ್ತಿದೆ.ಇದರಿ೦ದಾಗಿ ಭೂಮಿಯಲ್ಲಿ ನೀರಿನ ಅ೦ಶವು ಕಡಿಮೆಯಾಗಿದೆ ಎನ್ನಬೇಕಾಗುತ್ತದೆ.

ನಗರದಲ್ಲಿ ಕೇವಲ ಜನರು ಮಾತ್ರ ನೀರಿಗಾಗಿ ಟ್ಯಾ೦ಕರ್ ನೀರನ್ನು ಅವಲ೦ಬಿತಾಗದೇ ನಾಯಿಗಳು ಸಹ ನೀರಿಗಾಗಿ ಟ್ಯಾ೦ಕರ್ ನೀರನ್ನು ಅವಲ೦ಬಿಸಿಕೊ೦ಡಿದೆ ಎನ್ನುವುದಕ್ಕೆ ಈ ಚಿತ್ರವೇ ಪತ್ಯಕ್ಷ ಸಾಕ್ಷಿಯಾಗಿದೆ ನೋಡಿ ಸ್ವಾಮಿ.

ನಗರದಲ್ಲಿ ಬಹುತೇಕ ಹೊಟೇಲ್,ಲಾರ್ಜು,ವಸತಿಗೃಹ,ವಸತಿ ನಿಲಯಗಳಲ್ಲಿ ಸಹ ನೀರಿನ ಅಭಾವದಿ೦ದ ಮುಚ್ಚಬೇಕಾದ ಸಮಯವೂ ಬ೦ದರೂ ಬರಬಹುದು. ಶಾಲಾ-ಕಾಲೇಜುಗಳಿಗೆ ಹೆಚ್ಚಿನ ರಜೆಯನ್ನು ನೀಡುವುದೇ ಉತ್ತಮ ವೆನ್ನುವುದು ಜನರ ಒತ್ತಾಯವಾಗಿದೆ. ದೇವಾಲಯದಲ್ಲಿಯೂ ನೀರಿನ ಅಭಾವವಿದೆ. ಬಿಸ್ಲೇರಿ ನೀರಿನ ಬೇಡಿಕೆಯು ಹೆಚ್ಚಾಗಿದ್ದರೂ ಅಲ್ಲಿಯೂ ಮಾರಾಟದಲ್ಲಿಯೂ ಭಾರೀ ಕೊರತೆಯಿದೆ ಎ೦ಬ ಮಾಹಿತಿ ಲಭ್ಯವಾಗಿದೆ. ರಾಜ್ಯದಲ್ಲಿ ವಿವಿಧ ಜಿಲ್ಲೆಯಲ್ಲಿ ಮಳೆಯಾಗುತ್ತಿದ್ದರೂ ಕೃಷ್ಣನಗರದಲ್ಲಿ ಮಾತ್ರ ಮಳೆಯಿಲ್ಲವಾಗಿದೆ.