Log In
BREAKING NEWS >
ರೈತ ಮಕ್ಕಳಿಗೆ ಶಿಷ್ಯವೇತನ, ಸಂಧ್ಯಾ ಸುರಕ್ಷ, ಅಂಗವಿಕಲ ವೇತನ ಹೆಚ್ಚಳ: ಸಿಎಂ ಬೊಮ್ಮಾಯಿ ಸಂಪುಟದ ಮೊದಲ ನಿರ್ಣಯ...

ಮಂಗಳೂರು: ಪೇಸ್ಟ್‌ ರೂಪದಲ್ಲಿ 34 ಲಕ್ಷ ರೂ. ಮೌಲ್ಯದ ಚಿನ್ನ ಸಾಗಾಟ – ಇಬ್ಬರ ಬಂಧನ

ಮಂಗಳೂರು, ಜು 15: ಅಕ್ರಮವಾಗಿ ಚಿನ್ನ ಸಾಗಾಟ ಮಾಡುತ್ತಿದ್ದ ಇಬ್ಬರನ್ನು ಮಂಗಳೂರು ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಕಸ್ಟಮ್ಸ್ ಅಧಿಕಾರಿಗಳು ಬಂಧಿಸಿದ್ದಾರೆ.

ಬಂಧಿತರನ್ನು ಉಪ್ಪಳದ ಮೊಹಮ್ಮದ್‌‌ ಅನ್ಸಾರ್‌‌ ಕಯ್ಯಾರ್‌ (34) ಹಾಗೂ ಕೋಝಿಕ್ಕೋಡ್‌ನ ಮೊಹಮ್ಮದ್‌‌ ಮೂಸ ಮಿಯಾಸ್‌ (18) ಎಂದು ಗುರುತಿಸಲಾಗಿದೆ.

ಏರ್‌ ಇಂಡಿಯಾ ಎಕ್ಸ್‌ಪ್ರೆಸ್‌‌ ವಿಮಾನದ ಮೂಲಕ ದುಬೈನಿಂದ ಮಂಗಳೂರು ವಿಮಾನ ನಿಲ್ದಾಣಕ್ಕೆ ಬಂದಿಳಿದ ಇವರು ಸೂಟ್‌ಕೇಸ್‌‌‌ನ ಕೆಳಭಾಗದಲ್ಲಿ ಪೇಸ್ಟ್‌ ರೂಪದಲ್ಲಿ ಚಿನ್ನ ಸಾಗಾಟ ಮಾಡಲು ಯತ್ನಿಸಿದ್ದಾರೆ.

ಬಂಧಿತರಿಂದ 34,46,464 ರೂ. ಮೌಲ್ಯದ 703 ಗ್ರಾಂ ಚಿನ್ನವನ್ನು ಕಸ್ಟಮ್ಸ್ ಅಧಿಕಾರಿಗಳು ವಶಪಡಿಸಿಕೊಂಡಿದ್ದಾರೆ.

ಕಸ್ಟಮ್ಸ್‌ ಅಧಿಕಾರಿಪ್ರವೀಣ್‌ ಕಂಡಿ, ಅಧೀಕ್ಷಕರಾದ ನಾಗೇಶ್‌ ಕುಮಾರ್‌, ಮನೋಕಾತ್ಯಾಯಿನಿ ತಂಡ ಕಾರ್ಯಾಚರಣೆ ನಡೆಸಿದೆ.

No Comments

Leave A Comment