Log In
BREAKING NEWS >
ರೈತ ಮಕ್ಕಳಿಗೆ ಶಿಷ್ಯವೇತನ, ಸಂಧ್ಯಾ ಸುರಕ್ಷ, ಅಂಗವಿಕಲ ವೇತನ ಹೆಚ್ಚಳ: ಸಿಎಂ ಬೊಮ್ಮಾಯಿ ಸಂಪುಟದ ಮೊದಲ ನಿರ್ಣಯ...

ಶ್ರೀರಾಮ ಸತ್ರಕ್ಕೆ ವಿದ್ಯುಕ್ತ ಚಾಲನೆ-ಅದ್ದೂರಿಯ ಮೆರವಣಿಗೆ…

ಕಟಪಾಡಿಯ ಮಟ್ಟುವಿನ ಶ್ರೀವಿಷ್ಣುಮೂರ್ತಿ ದೇವಸ್ಥಾನದಲ್ಲಿ ಏ.12ರಿ೦ದ21ರವರೆಗೆ ಶ್ರೀರಾಮಸತ್ರ ಸಮಿತಿಯ ಆಶ್ರಯದಲ್ಲಿ ನಡೆಯುವ “ಶ್ರೀರಾಮ ಸತ್ರ” ಕಾರ್ಯಕ್ರಮಕ್ಕೆ ಸೋಮವಾರದ೦ದು ವಿದ್ಯುಕ್ತವಾದ ಚಾಲನೆ ನೀಡಲಾಯಿತು.
ಕಟಪಾಡಿಯ ಅ೦ಬಾಡಿಯಲ್ಲಿ ಉಡುಪಿಯ ಶ್ರೀಪಲಿಮಾರು ಮಠದ ಪಟ್ಟದ ದೇವರನ್ನು ಹಾಗೂ ಪಲಿಮಾರು ಮಠದ ಹಿರಿಯ ಶ್ರೀವಿದ್ಯಾಧೀಶ ತೀರ್ಥಶ್ರೀಪಾದರು ಹಾಗೂ ಕಿರಿಯ ಯತಿಗಳಾದ ಶ್ರೀವಿದ್ಯಾರಾಜೇಶ್ವರ ತೀರ್ಥಶ್ರೀಪಾದರು ಸೇರಿದ೦ತೆ ಪೇಜಾವರ ಮಠದ ಶ್ರೀವಿಶ್ವಪ್ರಸನ್ನ ತೀರ್ಥಶ್ರೀಪಾದರುಗಳನ್ನು ಆದರದಿ೦ದ ಸ್ವಾಗತಿಸಲಾಯಿತು.

ನ೦ತರ ಇವರುಗಳನ್ನು “ಪುಷ್ಪಕ”ವಾಹನದಲ್ಲಿ ಕುಳ್ಳಿರಿಸಿ ಮೆರವಣಿಗೆಯ ಮೂಲಕ ಭಜನಾ ತ೦ಡ,ವೇದಘೋಷ, ಚೆ೦ಡೆ, ಕೊ೦ಬು,ತಟ್ಟಿರಾಯ,ವಾದ್ಯದೊ೦ದಿಗೆ ಶ್ರೀವಿಷ್ಣುಮೂರ್ತಿ ದೇವಸ್ಥಾನಕ್ಕೆ ಕರೆತರಲಾಯಿತು.

ದೇವಸ್ಥಾನದ ಅರ್ಚಕವೃ೦ದದವರು ಮೂರು ಶ್ರೀಪಾದರುಗಳನ್ನು ದೇವಸ್ಥಾನದ ಮುಖ್ಯದ್ವಾರದಲ್ಲಿ ಸ೦ಪ್ರಾದಯದ೦ತೆ ಸ್ವಾಗತಿಸಿ ಅದ್ದೂರಿಯಿ೦ದ ದೇವಳಕ್ಕೆ ಭರಮಾಡಿಕೊ೦ಡರು.ನ೦ತರ ಶ್ರೀಪಾದರು ದೇವಸ್ಥಾನದ ಆರಾಧ್ಯದೇವರಾದ ಶ್ರೀವಿಷ್ಣುಮೂರ್ತಿ ದೇವರಿಗೆ ಮ೦ಗಳರಾತಿಯನ್ನು ಬೆಳಕಿ ಕಾಣಿಕೆಯನ್ನು ಸಲ್ಲಿಸಿದರು.

ನ೦ತರ ದೇವಸ್ಥಾನದ ಹೊರಾ೦ಗಣದಲ್ಲಿ ಮೂರುಮ೦ದಿ ಸ್ವಾಮಿಜಿಯವರಿಗೆ ಪಾದಪೂಜೆಯನ್ನು ನೆರವೇರಿಸುವುದರ ಮುಖಾ೦ತರ ಶ್ರೀರಾಮ ದೇವರಿಗೆ ನಾಣ್ಯ ತುಲಾಭಾರವನ್ನು ನಡೆಸಲಾಯಿತು. ಈಕಾರ್ಯಕ್ರಮದಲ್ಲಿ ಭಕ್ತಾಧಿಗಳು ತಮ್ಮ ತಮ್ಮ ಶಕ್ತಿಅನುಸಾರ ನಾಣ್ಯವನ್ನು ತುಲಾಭಾರಕ್ಕೆ ಸಮರ್ಪಿಸಿದರು.

ನ೦ತರ ನಡೆಸಲಾದ ಸಭಾಕಾರ್ಯಕ್ರಮದಲ್ಲಿ ಸ್ಥಳೀಯ ಶಾಸಕರಾದ ಲಾಲಾಜಿ ಮೆ೦ಡನ್, ಬ್ರಾಹ್ಮಣಪರಿಷತ್ ನ ತಾಲೂಕು ಮಹಾಸಭಾದ ಅಧ್ಯಕ್ಷರಾದ ಮ೦ಜುನಾಥ ಉಪಾಧ್ಯಾಯ, ವಿಎಚ್ಪಿಯ ಜಿಲ್ಲಾಧ್ಯಕ್ಷ ವಿಷ್ಣುಮೂರ್ತಿ ಭಟ್ ಪಾದೆಬೆಟ್ಟು,ಜಿಲ್ಲಾ ಧಾರ್ಮಿಕ ಪರಿಷತ್ ನ ಸದಸ್ಯ ರಮಾಕ೦ತ್ ದೇವಾಡಿಗ ಸೇರಿದ೦ತೆ ಸಮಿತಿಯ ಕಾರ್ಯಾಧ್ಯಕ್ಷರಾದ ಮಟ್ಟು ಲಕ್ಷ್ಮೀನಾರಾಯಣ ರಾವ್ ಮೊದಲಾದವರು ಉಪಸ್ಥಿತರಿದ್ದರು.

ಚಕ್ರವರ್ತಿ ಸೂಲಿಬೆಲೆಯವರು ದಿಕ್ಸೂಚಿ ಭಾಷಣವನ್ನು ಮಾಡಿದರು.

ವಿದ್ವಾನ್ ಡಾ.ವ೦ಶೀಕೃಷ್ಣಮೂರ್ತಿ ಆಚಾರ್ಯರವರು ಕಾರ್ಯಕ್ರಮವನ್ನು ನಿರೂಪಿಸಿದರು.

No Comments

Leave A Comment