Log In
BREAKING NEWS >
ದೇಶದಲ್ಲಿ ಮುಂದುವರೆದ ಕೊರೋನಾ ಆರ್ಭಟ: ತ.ನಾಡಲ್ಲಿ ಮತ್ತಿಬ್ಬರು ಬಲಿ, ಸಾವಿನ ಸಂಖ್ಯೆ 83ಕ್ಕೆ ಏರಿಕೆ.....ಕೊರೋನಾ ಲಾಕ್'ಡೌನ್ ಎಫೆಕ್ಟ್: ಏಪ್ರಿಲ್ 30ರವರೆಗೂ ಬುಕಿಂಗ್ ಸ್ಥಗಿತಗೊಳಿಸಿದ ಏರ್ ಇಂಡಿಯಾ....

ದೇವಸ್ಥಾನಕ್ಕೆ 8 ಲಕ್ಷ ರೂ. ದಾನ ಮಾಡಿದ 73 ವರ್ಷದ ಭಿಕ್ಷುಕ!

ವಿಜಯವಾಡ: ಇಲ್ಲಿನ ದೇವಸ್ಥಾನದ ಎದುರು ಭಿಕ್ಷೆ ಬೇಡುತ್ತಿದ್ದ 73 ವರ್ಷದ ಅಜ್ಜ ದೇವಸ್ಥಾನಕ್ಕೆ 8 ಲಕ್ಷ ರೂ. ದಾನ ಮಾಡಿದ್ದಾರೆ. ಯದಿ ರೆಡ್ಡಿ ಎಂಬ ಹೆಸರಿನ ಭಿಕ್ಷುಕ ಕಳೆದ 7 ವರ್ಷಗಳಲ್ಲಿ ಒಟ್ಟು 8 ಲಕ್ಷ ರೂ. ದಾನವನ್ನು ಸಾಯಿಬಾಬಾ ದೇವಸ್ಥಾನಕ್ಕೆ ನೀಡಿದ್ದಾರೆ. ಸುಮಾರು 40 ವರ್ಷಗಳ ಕಾಲ ತಳ್ಳುಗಾಡಿಯಲ್ಲಿ ಕೆಲಸ ಮಾಡುತ್ತ ದಿನಸಾಗಿಸುತ್ತಿದ್ದ ಯದಿ ರೆಡ್ಡಿ ಅವರು ಮಂಡಿ ವೈಫಲ್ಯದಿಂದ ಭಿಕ್ಷೆ ಬೇಡುವ ಪರಿಸ್ಥಿತಿ ಬಂದೊದಗಿತು.

”ನಾನು ಸುಮಾರು 40 ವರ್ಷಗಳ ಕಾಲ ತಳ್ಳುಗಾಡಿ ಸಹಾಯದಿಂದ ಕೆಲಸ ಮಾಡುತ್ತಿದೆ. ನಾನು ಮೊದಲಿಗೆ ಸಾಯಿಬಾಬ ದೇವಸ್ಥಾನದ ಅಧಿಕಾರಿಗಳಿಗೆ 1 ಲಕ್ಷ ರೂ. ನೀಡಿದೆ. ಬಳಿಕ ನನ್ನ ಆರೋಗ್ಯ ಹದಗೆಡಲು ಆರಂಭವಾಗಿದ್ದರಿಂದ ನನಗೆ ದುಡ್ಡಿನ ಅವಶ್ಯಕತೆಯಿಲ್ಲ ಎಂದೆನಿಸಿತು. ಹಾಗಾಗಿ ನಾನು ದೇವಸ್ಥಾನ ನನ್ನ ಬಳಿಯಿದ್ದ ದುಡ್ಡನ್ನು ಕೊಡಲು ನಿರ್ಧರಿಸಿದೆ” ಎಂದು ಎಎನ್ಐಗೆ ತಿಳಿಸಿದ್ದಾರೆ.

ದೇವಸ್ಥಾನಕ್ಕೆ ದುಡ್ಡು ದಾನ ಮಾಡಲು ಆರಂಭಿಸಿದ ಬಳಿಕ ನನ್ನನ್ನು ಜನ ಗುರುತಿಸಲು ಆರಂಭಿಸಿದರು. ಅಚ್ಚರಿ ಎಂಬಂತೆ ನಾನು ದೇವಸ್ಥಾನಕ್ಕೆ ದುಡ್ಡು ದಾನ ಮಾಡಲು ಆರಂಭಿಸಿದ ಬಳಿಕ ನನ್ನ ಆದಾಯವು ಹೆಚ್ಚಾಯಿತು. ನಾನು ಇದುವರೆಗೆ 8 ಲಕ್ಷ ರೂ. ದಾನ ಮಾಡಿದ್ದೇನೆ. ನಾನು ಗಳಿಸಿದ್ದೆಲ್ಲವನ್ನು ದೇವರಿಗೆ ಅರ್ಪಿಸುತ್ತೇನೆ” ಎಂದು ರೆಡ್ಡಿ ತಿಳಿಸಿದ್ದಾರೆ.

ಅರಣ್ಯಕ್ಕೆ ಭಿಕ್ಷುಕರಿಗಿಂತಲೂ ಕಡಿಮೆ ವ್ಯಯ !

”ಹಿರಿಯರಾದ ಯದಿ ರೆಡ್ಡಿ ಅವರು ನೀಡಿದ ದಾನ ದೇವಸ್ಥಾನದ ಅಭಿವೃದ್ಧಿಗೆ ಬಹಳಷ್ಟು ಉಪಕಾರಿಯಾಗಿದೆ. ಗೋಶಾಲೆಯನ್ನು ನಿರ್ಮಿಸಿದ್ದೇವೆ. ನಾವು ಜನರಿಂದ ಯಾವುದೇ ರೀತಿಯ ದನಸಹಾಯವನ್ನು ಕೇಳುವುದಿಲ್ಲ. ಆದರೆ ಜನರೇ ಮುಂದಾಗಿ ದೇವಸ್ಥಾನದ ಅಭಿವೃದ್ಧಿಗೆ ಶ್ರಮಿಸುತ್ತಿದ್ದಾರೆ” ಎಂದು ದೇವಸ್ಥಾನದ ಅಧಿಕಾರಿಗಳು ತಿಳಿದ್ದಾರೆ.

No Comments

Leave A Comment