Log In
BREAKING NEWS >
ಜುಲಾಯಿ:28ರ೦ದು ಉಡುಪಿಯ ಶ್ರೀಲಕ್ಷ್ಮೀವೆ೦ಕಟೇಶ ದೇವರಿಗೆ ಜಿ ಎಸ್ ಬಿ ಯುವಕ ಮ೦ಡಳಿಯ ಆಶ್ರಯದಲ್ಲಿ ತುಳಸಿ ಅರ್ಚನೆ ಜರಗಲಿದೆ....ಅಗಸ್ಟ್ 5ರಿ೦ದ 12ರವರೆಗೆ ಉಡುಪಿಯ ಶ್ರೀಲಕ್ಷ್ಮೀವೆ೦ಕಟೇಶ ದೇವಸ್ಥಾನದಲ್ಲಿ 119ನೇ ಭಜನಾ ಸಪ್ತಾಹ ಕಾರ್ಯಕ್ರಮ ಜರಗಲಿದೆ.

ಬಹ್ರೈನ್‌ ಓಪನ್‌ ಟಿಟಿ: ಭಾರತಕ್ಕೆ 4 ಪದಕ ಒಂದು ಚಿನ್ನ, 2 ಬೆಳ್ಳಿ, ಒಂದು ಕಂಚು

ಮನಾಮಾ (ಬಹ್ರೈನ್‌): ಭಾರತ ಯುವ ಟೇಬಲ್‌ ಟೆನಿಸ್‌ ಆಟಗಾರರು “ಬಹ್ರೈನ್‌ ಜೂ. ಆ್ಯಂಡ್‌ ಕ್ಯಾಡೆಟ್‌ ಓಪನ್‌’ ಟೇಬಲ್‌ ಟೆನಿಸ್‌ ಕೂಟದಲ್ಲಿ ಒಂದು ಚಿನ್ನ ಸಹಿತ 4 ಪದಕ ಜಯಿಸಿದ್ದಾರೆ. 2 ಬೆಳ್ಳಿ ಹಾಗೂ ಒಂದು ಕಂಚು ಭಾರತದ ಪಾಲಾಗಿದೆ.

ಬಾಲಕಿಯರ ಕ್ಯಾಡೆಟ್‌ ವಿಭಾಗದಲ್ಲಿ ಸ್ಪರ್ಧಿಸಿದ್ದ ಭಾರತದ ಮೂರೂ ತಂಡಗಳು 3 ಪದಕಗಳನ್ನು ತಮ್ಮದಾಗಿ ಸಿಕೊಂಡಿವೆ. ಭಾರತ “ಎ’ ತಂಡ ಚಿನ್ನ, ಭಾರತ “ಬಿ’ ತಂಡ ಬೆಳ್ಳಿ ಹಾಗೂ ಭಾರತ “ಸಿ’ ತಂಡ ಕಂಚಿನ ಪದಕ ಜಯಿಸಿದೆ. ಮೊದಲ ಸೆಮಿಫೈನಲ್‌ನಲ್ಲಿ ಭಾರತ “ಬಿ’ ತಂಡದಲ್ಲಿದ್ದ ಯಶಸ್ವಿನಿ ಗೋರ್ಪಡೆ ಹಾಗೂ ಕಾವ್ಯಶ್ರೀ ಭಾಸ್ಕರ್‌ ಜೋಡಿ ಈಜಿಪ್ಟ್ ಜೋಡಿಯನ್ನು ಸೋಲಿಸಿ ಫೈನಲ್‌ ಪ್ರವೇಶಿಸಿತು. ಇನ್ನೊಂದು ಸೆಮಿಫೈನಲ್‌ನಲ್ಲಿ ಭಾರತ “ಎ’ ತಂಡ ಭಾರತ “ಸಿ’ ತಂಡವನ್ನು ಸೋಲಿಸಿತು.

ಫೈನಲ್‌ನಲ್ಲಿ ಭಾರತದ ಎರಡೂ ತಂಡಗಳ ನಡುವೆ ಭಾರೀ ಪೈಪೋಟಿ ನಡೆಯಿತು. ಭಾರತ “ಎ’ ತಂಡದ ಸುಹಾನಾ ಸೈನಿ- ಅನಘಾ ಮಂಜುನಾಥ್‌ ಭಾರತ “ಬಿ’ ತಂಡವನ್ನು ಸೋಲಿಸಿ ಚಿನ್ನದ ಪದಕಕ್ಕೆ ಕೊರಳೊಡ್ಡಿದರು. ರೌಂಡ್‌ ರಾಬಿನ್‌ ಮಾದರಿಯಲ್ಲಿ ನಡೆದ ಜೂ. ಬಾಲಕಿಯರ ಸ್ಪರ್ಧೆಯ ಫೈನಲ್‌ನಲ್ಲಿ ಮನುಶ್ರೀ ಪಾಟೀಲ್‌-ಸ್ವಸ್ತಿಕಾ ಘೋಷ್‌ ಅವರನ್ನೊಳಗೊಂಡ ಭಾರತ ತಂಡ ಚಾಂಪಿಯನ್‌ ರಶ್ಯ ವಿರುದ್ಧ ಸೋಲನುಭವಿಸಿತು.

No Comments

Leave A Comment