Log In
BREAKING NEWS >
ಇ೦ದು ಉಡುಪಿ ಶ್ರೀಲಕ್ಷ್ಮೀವೆ೦ಕಟೇಶ ದೇವರ 123ನೇ ಪ್ರತಿಷ್ಠಾ ವರ್ಧ೦ತೋತ್ಸವ-ಪ೦ಚಾಮೃತ ಅಭಿಷೇಕ-ಶತಕಲಾಭಿಷೇಕ-ಮಹಾಪೂಜೆ-ಮಹಾ ಸಮಾರಾಧನೆಯೊ೦ದಿಗೆ ರಾತ್ರಿ ಪೇಟೆ ಉತ್ಸವ ಕಾರ್ಯಕ್ರಮ... ಉಡುಪಿಯ ಶ್ರೀಲಕ್ಷ್ಮೀವೆ೦ಕಟೇಶ ದೇವಸ್ಥಾನದಲ್ಲಿ ವಸ೦ತಮಾಸದ ಪ್ರಯುಕ್ತ ಮೇ 23ರ೦ದು ಸಗ್ರಿ ನಾಯಕ್ ಕುಟು೦ಬಸ್ಥರಿ೦ದ ವಸ೦ತಪೂಜಾ ಸೇವೆಯು ಜರಗಲಿದೆ

ಮೊದಲ ಏಕದಿನ:ಭಾರತದ ವಿರುದ್ಧ 34 ರನ್‌ಗಳ ಜಯ ಸಾಧಿಸಿದ ಆಸೀಸ್‌

ಸಿಡ್ನಿ: ಇಲ್ಲಿ  ಶನಿವಾರ ನಡೆದ ಮೂರು ಪಂದ್ಯಗಳ ಏಕದಿನ ಸರಣಿಯ ಮೊದಲ ಪಂದ್ಯದಲ್ಲಿ ಆತಿಥೇಯ ಆಸ್ಟ್ರೇಲಿಯಾ ಪ್ರವಾಸಿ ಭಾರತ ತಂಡದ ವಿರುದ್ಧ  34 ರನ್‌ಗಳ ಗೆಲುವು ಸಾಧಿಸಿದೆ.

ಟಾಸ್‌ ಗೆದ್ದು ಬ್ಯಾಟಿಂಗ್‌ ಆಯ್ಕೆ ಮಾಡಿಕೊಂಡ ಆಸ್ಟ್ರೇಲಿಯಾ ನಿಗದಿತ 50 ಓವರ್‌ಗಳಲ್ಲಿ  5 ವಿಕೆಟ್‌ ನಷ್ಟಕ್ಕೆ 288 ರನ್‌ಗಳಿಸಿ ಕೊಹ್ಲಿ ಪಡೆಗೆ ಗೆಲ್ಲಲು  289 ರನ್‌ಗಳ ಸವಾಲು ಮುಂದಿಟ್ಟಿತ್ತು. ಆದರೆ ಆರಂಭದಲ್ಲೇ ಭಾರೀ ಅಘಾತಕ್ಕೆ ಸಿಲುಕಿದ ತಂಡ ದಿಟ್ಟ ಬ್ಯಾಟಿಂಗ್‌ ಪ್ರದರ್ಶಿಸಿದ ಹೊರತಾಗಿಯೂ ಸೋಲು ಒಪ್ಪಲೇ ಬೇಕಾಯಿತು. ನಿಗದಿತ 50 ಓವರ್‌ಗಳಲ್ಲಿ 9 ವಿಕೆಟ್‌ ನಷ್ಟಕ್ಕೆ 254 ರನ್‌ಗಳಿಸಲಷ್ಟೇ ಶಕ್ತವಾಯಿತು.

1 ರನ್‌ ಆಗುವಷ್ಟರಲ್ಲಿ ಶಿಖರ್‌ ಧವನ್‌ ವಿಕೆಟ್‌ ಕಳೆದುಕೊಂಡ ಭಾರತ 4 ರನ್‌ಗಳ ಒಳಗೆ 3 ನೇ ವಿಕೆಟ್‌ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿತು. ಶಿಖರ್‌ ಧವನ್‌ 0, ನಾಯಕ ವಿರಾಟ್‌ ಕೊಹ್ಲಿ 3 ಮತ್ತು ಅಂಬಟಿ ರಾಯುಡು ಶೂನ್ಯಕ್ಕೆ ಔಟಾದರು.

ಸಂಕಷ್ಟಕ್ಕೆ ಸಿಲುಕಿದ ವೇಳೆ ಆರಂಭಿಕ ಆಟಗಾರ ರೋಹಿತ್‌ ಶರ್ಮಾ ಮತ್ತು ಧೋನಿ ಅವರು ದಿಟ್ಟ ಬ್ಯಾಟಿಂಗ್‌ ಪ್ರದರ್ಶಿಸಿದರೂ ಗೆಲ್ಲುವುದು ಅಸಾಧ್ಯವಾಯಿತು.

ರೊಹೀತ್‌ ಶರ್ಮಾ 133 ರನ್‌ಗಳಿ ಔಟಾದರು. 129 ಎಸೆತಗಳನ್ನು ಎದುರಿಸಿದ್ದ ಅವರು 10 ಬೌಂಡರಿ ಮತ್ತು 6 ಸಿಕ್ಸರ್‌ಗಳನ್ನು ಸಿಡಿಸಿದ್ದರು.

ನೆಲಕಚ್ಚಿ ಆಟವಾಡಿದ ಧೋನಿ 96 ಎಸೆತಗಳಿಂದ 51 ರನ್‌ಗಳಿಸಿದ್ದ ವೇಳೆ ಔಟಾಗಿ ನಿರಾಸೆಗೊಳಗಾದರು.  ದಿನೇಶ್‌ ಕಾರ್ತಿಕ್‌ 12, ರವೀಂದ್ರ ಜಡೇಜಾ 8 , ಭುವನೇಶ್ವರ್‌ ಕುಮಾರ್‌ 29 ರನ್‌ ಅಜೇಯ, ಕುಲದೀಪ್‌ ಯಾದವ್‌ 3 ಮತ್ತು ಮೊಹಮದ್‌ ಶಮಿ 1 ರನ್‌ಗಳಿಸಿ ಔಟಾದರು.

ಆಸೀಸ್‌ ಭರ್ಜರಿ ಬ್ಯಾಟಿಂಗ್‌

8 ರನ್‌ಗೆ ಅರೋನ್‌ ಫಿಂಚ್‌ ಅವರ ವಿಕೆಟ್‌ ಕಳೆದುಕೊಂಡು ಆರಂಭಿಕ ಅಘಾತಕ್ಕೆ ಸಿಲುಕಿದ ಆಸೀಸ್‌ ನಂತರ ಭರ್ಜರಿ ಬ್ಯಾಟಿಂಗ್‌ ಪ್ರದರ್ಶಿಸಿತು. ಆರಂಭಿಕ ಆಟಗಾರ ಅಲೆಕ್ಸ್‌ ಕ್ರೆ 24 , ಉಸ್ಮಾನ್‌ ಖ್ವಾಜಾ  59, ಶಾನ್‌ ಮಾರ್ಶ್‌ 54, ಪೀಟರ್‌ ಹ್ಯಾಂಡ್ಸ್‌ಕೂಂಬ್‌ 73, ಮಾರ್ಕಸ್‌ ಸ್ಟೊಯ್‌ನಿಸ್‌  ಅಜೇಯ 47 ಮತ್ತು ಗ್ಲೆನ್‌ ಮ್ಯಾಕ್ಸ್‌ವೆಲ್‌ ಔಟಾಗದೆ 11 ರನ್‌ ಗಳಿಸಿದರು.

ಭಾರತದ ಬೌಲರ್‌ಗಳ ಪರ ಭುವನೇಶ್ವರ್‌ ಕುಮಾರ್‌ ಮತ್ತು ಕುಲದೀಪ್‌ ಯಾದವ್‌ ತಲಾ  2 ವಿಕೆಟ್‌ ಮತ್ತು ರವೀಂದ್ರ ಜಡೇಜಾ 1 ವಿಕೆಟ್‌ ಪಡೆದರು.

No Comments

Leave A Comment