Log In
BREAKING NEWS >
ವೇತನ ಹೆಚ್ಚಳ ಸಹಿತ ವಿವಿಧ ಬೇಡಿಕೆಗಳ ಈಡೇರಿಕೆಗೆ ಒತ್ತಾಯಿಸಿ ಮೇ 30 ಮತ್ತು 31ರಂದು ಬ್ಯಾಂಕ್‌ ನೌಕರರು ರಾಷ್ಟ್ರವ್ಯಾಪಿ ಮುಷ್ಕರ ನಡೆಸಲಿದ್ದಾರೆ....

ದುಬೈ ವಿಮಾನ ನಿಲ್ದಾಣದಲ್ಲಿ ಶಿಖರ್ ಧವನ್ ಪತ್ನಿ ಮತ್ತು ಮಕ್ಕಳನ್ನು ತಡೆಹಿಡಿದ ಎಮಿರೇಟ್ಸ್ ಸಿಬ್ಬಂದಿ

ನವದೆಹಲಿ: ಟೀಂ ಇಂಡಿಯಾದ ಸ್ಫೋಟಕ ಬ್ಯಾಟ್ಸ್ ಮನ್ ಶಿಖರ್ ಧವನ್ ಅವರ ಪತ್ನಿ ಮತ್ತು ಮಕ್ಕಳನ್ನು ದಕ್ಷಿಣ ಆಫ್ರಿಕಾದ ಕೇಪ್ ಟೌನ್ ಗೆ ಹೋಗುವ ವಿಮಾನಕ್ಕೆ ಸಂಪರ್ಕ ಕಲ್ಪಿಸುವ ವಿಮಾನವನ್ನು ದುಬೈನಲ್ಲಿ ಎಮಿರೇಟ್ಸ್ ಏರ್ ಲೈನ್ಸ್ ನವರು ಹತ್ತಲು ಬಿಡದೆ ತಡೆ ಹಿಡಿದ ಘಟನೆ ವರದಿಯಾಗಿದೆ.

ಎಮಿರೇಟ್ಸ್ ಏರ್ ಲೈನ್ಸ್ ಸಿಬ್ಬಂದಿ ಧವನ್ ಪತ್ನಿ ಏಶಾ ಮತ್ತು ಮಕ್ಕಳ ಬರ್ತ್ ಸರ್ಟಿಫಿಕೇಟ್ ತೋರಿಸುವಂತೆ ಹಠ ಹಿಡಿದರು. ಆ ವೇಳೆ ಅವರ ಬಳಿ ಸರ್ಟಿಫಿಕೇಟ್ ಇಲ್ಲದಿದ್ದರಿಂದ ಕೇಪ್ ಟೌನ್ ಗೆ ಹೋಗುವ ವಿಮಾನವನ್ನು ಏರಲು ಅವರಿಗೆ ಸಾಧ್ಯವಾಗಲಿಲ್ಲ.

ನಂತರ ದೆಹಲಿಯಿಂದ ಸರ್ಟಿಫಿಕೇಟ್ ಗಳು ಬರುವ ತನಕವೂ ಏಶಾ ಮತ್ತು ಮಕ್ಕಳು ದುಬೈ ವಿಮಾನ ನಿಲ್ದಾಣದಲ್ಲೇ ಕಾಯಬೇಕಾದ ಪರಿಸ್ಥಿತಿ ನಿರ್ಮಾಣವಾಗಿತ್ತು. ನಂತರ ಬೇರೆ ವಿಮಾನ ಹಿಡಿದು ಕೇಪ್ ಟೌನ್ ಗೆ ಪ್ರಯಾಣ ಬೆಳೆಸಿದರು.

ಇನ್ನು ಈ ಬಗ್ಗೆ ಬೇಸರ ವ್ಯಕ್ತಪಡಿಸಿರುವ ಶಿಖರ್ ಧವನ್ ಎಮಿರೇಟ್ಸ್ ಏರ್ ಲೈನ್ಸ್ ನ ಈ ರೀತಿಯ ವರ್ತನೆ ವೃತ್ತಿಪರತೆಗೆ ತಕ್ಕದಲ್ಲದ ನಡೆ ಎಂದು ಟ್ವೀಟರ್ ನಲ್ಲಿ ಬರೆದುಕೊಂಡಿದ್ದಾರೆ.

No Comments

Leave A Comment