Log In
BREAKING NEWS >
ಡಿಸೆ೦ಬರ್ 23ರ೦ದು ಕಲ್ಯಾಣಪುರ ಜಿ ಎಸ್ ಬಿ ಸಭಾದ ಆಶ್ರಯದಲ್ಲಿ ದೇವಸ್ಥಾನದ ಬಳಿಯಲ್ಲಿರುವ ಮೈದಾನದಲ್ಲಿ ಹೊನಲು ಬೆಳಕಿನ ಕ್ರಿಕೆಟ್ ಪ೦ದ್ಯಾಟವು ಸಮಾಜ ಬಾ೦ಧವರಿಗಾಗಿ ಜರಗಲಿರುವುದಾಗಿ ಪ್ರಕಟಣೆ ತಿಳಿಸಿದೆ

FTII ಅಧ್ಯಕ್ಷರಾಗಿ ಖೇರ್‌ ನೇಮಕ, ಚೌಹಾಣ್‌ಗೆ ಉತ್ತರಾಧಿಕಾರಿ

ಹೊಸದಿಲ್ಲಿ : ಬಾಲಿವುಡ್‌ ಹಿರಿಯ ನಟ ಅನುಪಮ್‌ ಖೇರ್‌ ಅವರನ್ನು ಫಿಲ್ಮ್ ಆ್ಯಂಡ್‌ ಟೆಲಿವಿಷನ್‌ ಇನ್‌ಸ್ಟಿಟ್ಯೂಟ್‌ ಆಫ‌ ಇಂಡಿಯಾ (ಎಫ್ ಟಿ ಐ ಐ) ಇದರ ಅಧ್ಯಕ್ಷರನ್ನಾಗಿ ನೇಮಿಸಲಾಗಿದೆ.

62ರ ಹರೆಯದ ಖೇರ್‌ ಅವರು 500ಕ್ಕೂ ಹೆಚ್ಚು ಚಿತ್ರಗಳಲ್ಲಿ ನಟಿಸಿದ್ದಾರೆ ಮತ್ತು ರಂಗಭೂಮಿಯಲ್ಲೂ ಪ್ರಖ್ಯಾತರಾಗಿದ್ದಾರೆ. ಖೇರ್‌ ಅವರು ಗಜೇಂದ್ರ ಚೌಹಾಣ್‌ ಅವರ ಉತ್ತರಾಧಿಕಾರಿಯಾಗಿದ್ದಾರೆ.

ಖೇರ್‌ ಅವರಿಗೆ 2004ರಲ್ಲಿ ಪದ್ಮಶ್ರೀ ಮತ್ತು 2016ರಲ್ಲಿ ಪದ್ಮಭೂಷಣ ಪ್ರಶಸ್ತಿಯನ್ನು ನೀಡಿ ಗೌರವಿಸಲಾಗಿತ್ತು. ಅವರು ಕೇಂದ್ರ ಸೆನ್ಸಾರ್‌ ಮಂಡಳಿ ಮತ್ತು ನ್ಯಾಶನಲ್‌ ಸ್ಕೂಲ್‌ ಆಫ್ ಡ್ರಾಮಾ ಇನ್‌ ಇಂಡಿಯಾ ಇದರ ಅಧ್ಯಕ್ಷರಾಗಿಯೂ ಈ ಹಿಂದೆ ಸೇವೆ ಸಲ್ಲಿಸಿದ್ದಾರೆ.

ಗಜೇಂದ್ರ ಚೌಹಾಣ್‌ ಅವರು ಎಫ್ ಟಿ ಐ ಐ ಅಧ್ಯಕ್ಷರಾಗಿ ವಿವಾದಗ್ರಸ್ತರಾಗಿದ್ದರು. ಚೌಹಾಣ್‌ ಅವರ ಪದಚ್ಯುತಿಯನ್ನು ಆಗ್ರಹಿಸಿ ಎಫ್ ಟಿ ಐ ಐ ವಿದ್ಯಾರ್ಥಿಗಳು ಸುಮಾರು 140 ದಿನಗಳ ಕಾಲ ಪ್ರತಿಭಟನೆ ನಡೆಸಿದ್ದರು. ಆ ಪ್ರತಿಭಟನೆ ಈ ವರ್ಷ ಮಾರ್ಚ್‌ನಲ್ಲಿ ಕೊನೆಗೊಂಡಿತ್ತು. ಚೌಹಾಣ್‌ ಅವರ ನೇಮಕಾತಿ ರಾಜಕೀಯ ಪ್ರೇರಿತವಾದುದೆಂದೂ ಅವರು ಎಫ್ ಟಿ ಐ ಐಅಧ್ಯಕ್ಷ ಪದಕ್ಕೆ ಅನರ್ಹರೆಂದೂ ಆಪಾದಿಸಲಾಗಿತ್ತು.

No Comments

Leave A Comment