Log In
BREAKING NEWS >
ಉಡುಪಿಯ ಶ್ರೀಲಕ್ಷ್ಮೀವೆoಕಟೇಶ ದೇವಸ್ಥಾನದಲ್ಲಿ ನಡೆಯುತ್ತಿರುವ 118ನೇ ಭಜನಾ ಸಪ್ತಾಹ ಮಹೋತ್ಸವದ ನೇರ ಚಿತ್ರ-ವರದಿಯು ಕರಾವಳಿಕಿರಣ ಡಾಟ್ ಕಾoನಲ್ಲಿ ಪ್ರಸಾರ ಮಾಡಲಾಗುತ್ತಿದೆ

ಆರ್‌ ಕೆ ಸ್ಟುಡಿಯೋದಲ್ಲಿ ಬೆಂಕಿ ಅನಾಹುತ: ಹಾಲ್‌ ನಂ.1 ಭಸ್ಮ

ಮುಂಬಯಿ : ಮುಂಬಯಿಯ ಪ್ರಸಿದ್ಧ ಆರ್‌ ಕೆ ಸ್ಟುಡಿಯೋದಲ್ಲಿ ಇಂದು ಶನಿವಾರ ಮಧ್ಯಾಹ್ನ ಅಗ್ನಿ ದುರಂತ ಸಂಭವಿಸಿತು.

ಬೆಂಕಿ ದುರಂತವು ಸ್ಟುಡಿಯೋದ ಇಲೆಕ್ಟ್ರಿಕ್‌ ವಿಭಾಗಕ್ಕೆ ಮಾತ್ರವೇ ಸೀಮಿತವಾಗಿತ್ತು ಎಂದು ಎಎನ್‌ಐ ವರದಿ ಮಾಡಿದೆ.

ಆರು ಅಗ್ನಿ ಶಾಮಕ ಘಟಕಗಳು ಸ್ಥಳವನ್ನು ತಲುಪಿದ್ದು ಬೆಂಕಿ ನಂದಿಸುವ ಕೆಲಸದಲ್ಲಿ ತೊಡಗಿಕೊಂಡಿವೆ. ಬೆಂಕಿಯನ್ನು ನಿಯಂತ್ರಿಸಲು ಐದು ವಾಟರ್‌ ಟಾಂಕರ್‌ಗಳನ್ನು ಕರೆಸಿಕೊಳ್ಳಲಾಗಿದೆ.

ನಗರದ ಚೆಂಬೂರ್‌ ಪ್ರದೇಶದಲ್ಲಿರುವ ಆರ್‌ ಕೆ ಸ್ಟುಡಿಯೋದ ಹಾಲ್‌ ನಂಬರ್‌ 1 ಸಂಪೂರ್ಣವಾಗಿ ಹಾನಿಗೀಡಾಗಿದೆ. ಇಲೆಕ್ಟ್ರಿಕ್‌ ವಿಭಾಗದಲ್ಲಿ ವಯರಿಂಗ್‌ ಕೆಲಸ ನಡೆಯುತ್ತಿದ್ದಾಗ ವಿದ್ಯುತ್‌ ಶಾರ್ಟ್‌ ಸರ್‌ಕ್ಯೂಟ್‌  ಉಂಟಾಗಿ ಅದರಿಂದ ಬೆಂಕಿ ಅವಘಡ ಉಂಟಾಯಿತೆಂದು ತಿಳಿಯಲಾಗಿದೆ.

ಅಗ್ನಿ ದುರಂತದಿಂದ ಯಾವುದೇ ಜೀವ ಹಾನಿ ಉಂಟಾದ ಅಥವಾ ಯಾರೊಬ್ಬರಿಗೂ ಗಾಯಗಳಾದ ವರದಿಗಳು ಬಂದಿಲ್ಲ.

ಸೂಪರ್‌ ಡ್ಯಾನ್ಸರ್‌ ಎಂಬ ಟಿವಿ ಶೋ ಸೆಟ್‌ನಲ್ಲಿ ಅಗ್ನಿ ದುರಂತ ಸಂಭವಿಸಿದೆಯಾದರೂ ಇಂದು ಶನಿವಾರವಾದ್ದರಿಂದ ಯಾವುದೇ ಸಿಬಂದಿ ಸೆಟ್‌ನಲ್ಲಿ  ಹಾಜರಿರಲಿಲ್ಲ. ಅಗ್ನಿ ಅವಘಡವನ್ನು ಅನುಸರಿಸಿ ಇಡಿಯ ಕಟ್ಟಡವನ್ನು ತೆರವುಗೊಳಿಸಲಾಗಿದೆ.

ಆರ್‌ ಕೆ ಸ್ಟುಡಿಯೋ ಸ್ಥಾಪನೆಗೆ ಆರಂಭದಲ್ಲಿ ಹಣ ಹಾಕಿ 1948ರಲ್ಲಿ ಅದನ್ನು ನಿರ್ಮಿಸಿದವರು ಬಾಲಿವುಡ್‌ನ‌ “ದಿ ಗ್ರೇಟ್‌ ಶೋ ಮ್ಯಾನ್‌’ ಎಂದೇ ಖ್ಯಾತರಾಗಿದ್ದ ರಾಜ್‌ ಕಪೂರ್‌. ರಾಜ್‌ಕಪೂರ್‌ ಅವರ ಮಗ ರಿಷಿ ಕಪೂರ್‌ ಈಗ ಈ ಸ್ಟುಡಿಯೋದ ಕಾರ್ಯ ನಿರ್ವಹಣೆಯ ಹೊಣೆಗಾರಿಕೆಯನ್ನು ನಿಭಾಯಿಸುತ್ತಿದ್ದಾರೆ.

No Comments

Leave A Comment