Log In
BREAKING NEWS >
20ರಿ೦ದ 24ರವರೆಗೆ ಉಡುಪಿ ಶ್ರೀಕೃಷ್ಣ ಮಠದಲ್ಲಿ ವರ್ಷ೦ಪ್ರತಿ ನಡೆಯುವ ಲಕ್ಷದೀಪೋತ್ಸವ ನಡೆಯಲಿದೆ.....ಡಿಸೆ೦ಬರ್ 13ರಿ೦ದ ಕಲ್ಯಾಣಪುರ ಶ್ರೀವೆ೦ಕಟರಮಣ ದೇವಸ್ಥಾನದಲ್ಲಿ 90ನೇ ಭಜನಾ ಸಪ್ತಾಹ ಮಹೋತ್ಸವ ಆರ೦ಭಗೊಳ್ಳಲಿದೆ....

ಚೀನದ 11 ಪ್ರಾಂತ್ಯದಲ್ಲಿ ಪ್ರವಾಹ, ಭೂಕುಸಿತ: 56 ಬಲಿ, 22 ನಾಪತ್ತೆ

ಬೀಜಿಂಗ್‌: ಚೀನದ 11 ಪ್ರಾಂತ್ಯಗಳಲ್ಲಿ ಜಡಿಮಳೆ, ಪ್ರವಾಹ, ಭೂಕುಸಿತದಿಂದ ಉಂಟಾದ ದುರಂತದಲ್ಲಿ ಕನಿಷ್ಠ 56 ಮಂದಿ ಮಡಿದು ಇತರ ಸುಮಾರು 22 ಮಂದಿ ನಾಪತ್ತೆಯಾಗಿರುವುದಾಗಿ ವರದಿಯಾಗಿದೆ.

ಝೆಝಿಯಾಂಗ್‌, ಆನ್‌ಹುಯಿ, ಜಿಯಾಂಗ್ಸಿ, ಹುನಾನ್‌, ಗ್ವಾಂಗ್‌ಡಾಂಗ್‌, ಶಾಂಕಿಂಗ್‌, ಸಿಶುವಾನ್‌, ಗಿಝೋ, ಯುನಾನ್‌ ಮತ್ತು ಗ್ವಾಂಗ್ಸಿ ಪ್ರಾಂತ್ಯಗಳಲ್ಲಿ 27,000 ಮನೆಗಳು ಕುಸಿದಿವೆ, ಇತರ 37,000 ಮನೆಗಳು ಪ್ರವಾಹದಲ್ಲಿ ಕೊಚ್ಚಿಹೋಗಿವೆ; ವ್ಯಾಪಕ ಭೂಕುಸಿತ ಮತ್ತು ಬಿರುಗಾಳಿಯಿಂದಾಗಿ ವಿಪರೀತ ನಾಶ ನಷ್ಟ ಉಂಟಾಗಿದೆ ಎಂದು ಪೌರ ವ್ಯವಹಾರಗಳ ಸಚಿವಾಲಯ ತಿಳಿಸಿದೆ.

ಪ್ರಾಕೃತಿಕ ವಿಕೋಪದಿಂದ ಉಂಟಾಗಿರುವ ಈ ಭೀಕರ ಹಾನಿಯಿಂದಾಗಿ 25.27 ಬಿಲಿಯ ಯುವಾನ್‌ ಅಥವಾ 3.72 ಬಿಲಿಯ ಡಾಲರ್‌ ಆರ್ಥಿಕ ನಷ್ಟ ಉಂಟಾಗಿದೆ. ಸರಕಾರ ಪ್ರವಾಹ ಪೀಡಿತ 20 ಪ್ರಾಂತ್ಯಗಲಿಗೆ 1.88 ಬಿಲಿಯ ಯುವಾನ್‌ (27.00 ಕೋಟಿ ಡಾಲರ್‌) ನೆರವು ನೀಡಿದೆ ಎಂದು ಕ್ಸಿನ್‌ಹುವಾ ಸುದ್ದಿ ಸಂಸ್ಥೆ ವರದಿ ಮಾಡಿದೆ.

ತೀವ್ರ ಪ್ರವಾಹ ಪೀಡಿ ಹುನಾನ್‌ ಪ್ರಾಂತ್ಯಕ್ಕೆ ರಕ್ಷಣಾ ಕಾರ್ಯ ನಿರ್ವಹಿಸಲು 3,000 ಸಶಸ್ತ್ರ ಪೊಲೀಸರನ್ನು ಕಳುಹಿಸಲಾಗಿದೆ ಎಂದು ತಿಳಿದುಬಂದಿದೆ.

No Comments

Leave A Comment