Log In
BREAKING NEWS >
20ರಿ೦ದ 24ರವರೆಗೆ ಉಡುಪಿ ಶ್ರೀಕೃಷ್ಣ ಮಠದಲ್ಲಿ ವರ್ಷ೦ಪ್ರತಿ ನಡೆಯುವ ಲಕ್ಷದೀಪೋತ್ಸವ ನಡೆಯಲಿದೆ.....ಡಿಸೆ೦ಬರ್ 13ರಿ೦ದ ಕಲ್ಯಾಣಪುರ ಶ್ರೀವೆ೦ಕಟರಮಣ ದೇವಸ್ಥಾನದಲ್ಲಿ 90ನೇ ಭಜನಾ ಸಪ್ತಾಹ ಮಹೋತ್ಸವ ಆರ೦ಭಗೊಳ್ಳಲಿದೆ....

ಗಣೇಶ್‌ ಅಭಿಮಾನಿಗಳ ಸಮ್ಮುಖದಲ್ಲಿ ಬರ್ತ್‌ಡೇ

ನಟ ಗಣೇಶ್‌ ಭಾನುವಾರ ತಮ್ಮ ಮನೆಯಲ್ಲಿ ಅಭಿಮಾನಿಗಳ ಹಾಗೂ ಕುಟುಂಬದ ಜೊತೆ ತಮ್ಮ 38 ನೇ ಹುಟ್ಟುಹಬ್ಬವನ್ನು ಆಚರಿಸಿಕೊಂಡರು. ಶನಿವಾರ ಮಧ್ಯರಾತ್ರಿಯಿಂದಲೇ ಗಣೇಶ್‌ ಅವರ ಮನೆಯ ಮುಂದೆ ಸಾಲುಗಟ್ಟಿದ್ದ ಅಭಿಮಾನಿಗಳು, ವಿವಿಧ ಬಗೆಯ ಕೇಕ್‌ ಹಿಡಿದು ತಮ್ಮ ಪ್ರೀತಿಯ ನಾಯಕನ ಮೂಲಕ ಕೇಕ್‌ ಕತ್ತರಿಸಿ ಸಂಭ್ರಮಿಸಿದರು.

ದೂರದ ಊರುಗಳಿಂದಲೂ ಆಗಮಿಸಿದ್ದ ಅಭಿಮಾನಿಗಳು, ಹೂವಿನ ಹಾರ ಹಾಕಿ, ಮನೆಯ ಎದುರು ಪಟಾಕಿ ಸಿಡಿಸಿ, ಜೈಕಾರ ಕೂಗಿದರು. ಸಾಲುಗಟ್ಟಿದ್ದ ಅಭಿಮಾನಿಗಳನ್ನು ಪ್ರೀತಿಯಿಂದ ಮಾತನಾಡಿಸಿದರಲ್ಲದೆ, ಅವರ ಜತೆ ಸೆಲ್ಫಿ ತೆಗೆಸಿಕೊಂಡು ಅವರನ್ನು ಖುಷಿಪಡಿಸಿದರು. ಗಣೇಶ್‌ ಅವರ ಹುಟ್ಟುಹಬ್ಬದ ಅಂಗವಾಗಿ ಶಿಲ್ಪಾ ಹಾಗೂ ಗಣೇಶ್‌ ದಂಪತಿಯ ಫೋಟೋ ಇರುವಂತಹ ವಿಶೇಷ ಕೇಕ್‌ ತಂದಿದ್ದ ಅಭಿಮಾನಿಗಳು, ಅದನ್ನು ಗಣೇಶ್‌ ದಂಪತಿಯಿಂದ ಕೈಯಿಂದಲೇ ಕತ್ತರಿಸುವ ಮೂಲಕ ಸಂಭ್ರಮಪಟ್ಟರು. ಗಣೇಶ್‌ ಅವರ ಮನೆಯ ಮುಂದೆ ಅಭಿಮಾನಿಗಳು ಪ್ರೀತಿಯಿಂದ ಕಟೌಟ್‌ ನಿಲ್ಲಿಸಿ, ಹಾರ ಹಾಕುವ ಮೂಲಕ ಅಭಿಮಾನ ಮೆರೆದಿದ್ದಾರೆ.

ದಾರಿಯುದ್ದಕ್ಕೂ ಫ್ಲೆಕ್ಸ್‌ ಹಾಕಿಸಿದ್ದ ಅಭಿಮಾನಿಗಳು,  ಪ್ರೀತಿಯ ನಾಯಕನಿಗೆ ಹಲವು ಉಡುಗೊರೆ ಕೂಡ ನೀಡಿದ್ದಾರೆ. ಈ ಸಲದ ಹುಟ್ಟುಹಬ್ಬದಲ್ಲಿ ಹಲವು ವಿಶೇಷತೆಗಳಿದ್ದವು. ಶಿಲ್ಪಾ ಗಣೇಶ್‌ ಅವರು, ಗಣೇಶ್‌ ಹುಟ್ಟುಹಬ್ಬದ ಅಂಗವಾಗಿ ಆಗಮಿಸಿದ್ದ ಅಭಿಮಾನಿಗಳಿಗೆ ಊಟದ ವ್ಯವಸ್ಥೆ ಮಾಡಿಸಿದ್ದರು. ಅಷ್ಟೇ ಅಲ್ಲ, ವಿಶೇಷವಾಗಿ ಬಡ ಮಕ್ಕಳಿಗೆ ಬಟ್ಟೆ ವಿತರಿಸಲಾಯಿತು. ಅಶಕ್ತ ಮಹಿಳೆಯರಿಗೂ ಸೀರೆ ವಿತರಿಸುವ ಮೂಲಕ ಹುಟ್ಟಹಬ್ಬವನ್ನು ಅರ್ಥಪೂರ್ಣವಾಗಿ ಆಚರಿಸಿದ್ದಾರೆ ಗಣೇಶ್‌.

ಇನ್ನು, ಗಣೇಶ್‌ ಅಭಿನಯದ “ಮುಗುಳು ನಗೆ’ ಚಿತ್ರಕ್ಕಾಗಿ ನಿರ್ದೇಶಕ ಯೋಗರಾಜ್‌ಭಟ್‌ ಅವರು “ಜಿಎಸ್‌ಟಿ’ ಕುರಿತಂತೆ  “ಹೊಡಿ ಒಂಭತ್ತು’ ಎಂಬ ವಿಶೇಷ ಹಾಡೊಂದನ್ನು ಬಿಡುಗಡೆ ಮಾಡಿದ್ದಾರೆ. ಈ ಹಿಂದೆ ಭಟ್ಟರು ಬರೆದಿದ್ದ ಆ ಹಾಡಿಗೆ ಇತ್ತೀಚೆಗೆ ಗಣೇಶ್‌ ಹಾಗೂ ದುನಿಯಾ ವಿಜಯ್‌ ಇಬ್ಬರೂ ಆ ಹಾಡಿಗೆ ದನಿಗೂಡಿಸಿದ್ದರು. ಆ ಹಾಡನ್ನೂ ಸಹ ಬರ್ತ್‌ಡೇ ಅಂಗವಾಗಿ ಬಿಡುಗಡೆ ಮಾಡಲಾಗಿದೆ.

ಅತ್ತ ನಿರ್ದೇಶಕ ಪ್ರಶಾಂತ್‌ ರಾಜ್‌ ಅವರೂ ಸಹ ಗಣೇಶ್‌ ಹುಟ್ಟುಹಬ್ಬಕ್ಕೆ “ಆರೆಂಜ್‌’ ಚಿತ್ರದ ಟೈಟಲ್‌ ಟೀಸರ್‌ ಬಿಡುಗಡೆ ಮಾಡಿದ್ದಾರೆ. ಅದರೊಂದಿಗೆ ಚಿತ್ರದ ಫ‌ಸ್ಟ್‌ಲುಕ್‌ ಪೋಸ್ಟರ್‌ ಕೂಡ ಬಿಡುಗಡೆ ಮಾಡಿದ್ದಾರೆ. ಇನ್ನು, ಸುನಿ ನಿರ್ದೇಶಿಸುತ್ತಿರುವ “ಚಮಕ್‌’ ಚಿತ್ರದ ಟೀಸರ್‌ ಕೂಡ ಗಣೇಶ್‌ ಹುಟ್ಟುಹಬ್ಬದಂದೇ ಬಿಡುಗಡೆಯಾಗಿದೆ.

No Comments

Leave A Comment