Log In
BREAKING NEWS >
ಸೆ.23ರ೦ದು ಉಡುಪಿಯ ತೆ೦ಕಪೇಟೆಯಲ್ಲಿನ ಶ್ರೀಲಕ್ಷ್ಮೀವೆ೦ಕಟೇಶದಲ್ಲಿ ಶ್ರೀಅನ೦ತಚತುರ್ದಶಿ (ನೋಪಿ)ಮಹೋತ್ಸವವು ಜರಗಲಿದೆ....ಸೆ.26ರಿ೦ದ ಮಹಾಲಯ ಪಿತೃಪಕ್ಷಾರ೦ಭ   <>   ಸೆ.23ರ೦ದು ಉಡುಪಿಯ ತೆ೦ಕಪೇಟೆಯಲ್ಲಿನ ಶ್ರೀಲಕ್ಷ್ಮೀವೆ೦ಕಟೇಶದಲ್ಲಿ ಶ್ರೀಅನ೦ತಚತುರ್ದಶಿ (ನೋಪಿ)ಮಹೋತ್ಸವವು ಜರಗಲಿದೆ....ಸೆ.26ರಿ೦ದ ಮಹಾಲಯ ಪಿತೃಪಕ್ಷಾರ೦ಭ

ವಾಹ್‌’ ಇದು ನೀರಿನ ಎಟಿಎಂ-ರೂ 2ಕ್ಕೆ 250 ಮಿ.ಲೀ ಶುದ್ಧ ಕುಡಿಯುವ ನೀರು…

ಕಾನ್ಪುರ: ಕಡಿಮೆ ದರದಲ್ಲಿ ಶುದ್ಧ ಕುಡಿಯುವ ನೀರನ್ನು ಪೂರೈಸುವ ಸ್ಟಾರ್ಟ್‌ಅಪ್‌ ಸಂಸ್ಥೆಗೆ ಕಾನ್ಪುರದ ಭಾರತೀಯ ತಂತ್ರಜ್ಞಾನ ಸಂಸ್ಥೆ(ಐಐಟಿ) ರೂ 50 ಲಕ್ಷ ಬಂಡವಾಳ ಒದಗಿಸಿದೆ.

ಲಖನೌ ಮೂಲದ ಸ್ಟಾರ್ಟ್‌ಅಪ್‌ ನೀರು ಶುದ್ಧೀಕರಿಸುವ ತಂತ್ರಜ್ಞಾನದೊಂದಿಗೆ ‘ವಾಹ್‌’ ಹೆಸರಿನಲ್ಲಿ ನೀರಿನ ಎಟಿಎಂ ಪ್ರಾರಂಭಿಸಿದೆ.

ರೂ 2 ಗೆ 250ಮಿ.ಲೀ. ಶುದ್ಧ ಕುಡಿಯುವ ನೀರನ್ನು ಎಟಿಎಂ ಯಂತ್ರದ ಮೂಲಕ ಪಡೆಯಬಹುದಾಗಿದೆ ಎಂದು ಐಐಟಿ ಪ್ರಕಟಣೆಯಲ್ಲಿ ತಿಳಿಸಿದೆ.

ವಿಶ್ವ ಆರೋಗ್ಯ ಸಂಸ್ಥೆ ಸೂಚಿಸಿರುವ ನೀರಿನ ಗುಣಮಟ್ಟವನ್ನು ವಾಹ್‌ ಪಾಲಿಸುತ್ತಿದ್ದು, ಇಲ್ಲಿ ಮರುಬಳಕೆ ಮಾಡಬಹುದಾದ ಪೇಪರ್‌ ಲೋಟಗಳನ್ನು ಉಪಯೋಗಿಸಲಾಗುತ್ತಿದೆ. ಇದರಿಂದಾಗಿ ಪ್ಲಾಸ್ಟಿಕ್‌ ಬಾಟಲಿಗಳಿಂದ ಉತ್ಪತ್ತಿಯಾಗುವ 1,500–3,500 ಕೆ.ಜಿ ಪ್ಲಾಸ್ಟಿಕ್‌ ತ್ಯಾಜ್ಯ ನಿಯಂತ್ರಣ ಸಾಧ್ಯವಾಗಲಿದೆ.

ಪೆಟ್ರೋಲ್‌ ಪಂಪ್‌ಗಳ ಸಮೀಪದಲ್ಲಿ ಆರ್‌ಒ ಶುದ್ಧೀಕರಣ ಘಟಕ ಸ್ಥಾಪಿಸಲು ಇಂಡಿಯನ್‌ ಆಯಿಲ್‌ ಜತೆಗೆ ಒಪ್ಪಂದ ಮಾಡಿಕೊಳ್ಳಲಾಗಿದೆ.

ಜನರಿಗೆ ಶುದ್ಧ ಕುಡಿಯುವ ನೀರು ಒದಗಿಸುವುದು ಹಾಗೂ ಉದ್ಯಮ ಅಭಿವೃದ್ಧಿಗೆ ಐಐಟಿ ಮೂಲಕ ಹಣಕಾಸು ಸಹಕಾರ ನೀಡಲಾಗಿದೆ. ಸಂಸ್ಥೆಯು ನಿಗದಿತ ಸಮಯದಲ್ಲಿ ಪೂರ್ಣ ಹಣವನ್ನು ಐಐಟಿಗೆ ಹಿಂದಿರುಗಿಸಬೇಕಾಗುತ್ತದೆ.

No Comments

Leave A Comment