Log In
BREAKING NEWS >
20ರಿ೦ದ 24ರವರೆಗೆ ಉಡುಪಿ ಶ್ರೀಕೃಷ್ಣ ಮಠದಲ್ಲಿ ವರ್ಷ೦ಪ್ರತಿ ನಡೆಯುವ ಲಕ್ಷದೀಪೋತ್ಸವ ನಡೆಯಲಿದೆ.....ಡಿಸೆ೦ಬರ್ 13ರಿ೦ದ ಕಲ್ಯಾಣಪುರ ಶ್ರೀವೆ೦ಕಟರಮಣ ದೇವಸ್ಥಾನದಲ್ಲಿ 90ನೇ ಭಜನಾ ಸಪ್ತಾಹ ಮಹೋತ್ಸವ ಆರ೦ಭಗೊಳ್ಳಲಿದೆ....

ಹೊತ್ತಿ ಉರಿದ ಬಿಎಂಡಬ್ಲ್ಯೂಕಾರು:ರೇಸಿಂಗ್ ಕಾರು ಚಾಲಕ ಅಶ್ವಿನ್ ಸುಂದರ್ ಅಪಘಾತದಲ್ಲಿ ದುರ್ಮರಣ

ಚೆನ್ನೈ: ಕಾರ್ ರೇಸಿಂಗ್‍ನಲ್ಲಿ ಖ್ಯಾತರಾಗಿದ್ದ ಯುವ ಪ್ರತಿಭೆ ಅಶ್ವಿನ್ ಸುಂದರ್ (27) ಮತ್ತು ಅವರ ಪತ್ನಿ ಇಂದು ಮುಂಜಾನೆ  ನಡೆದ ಅಪಘಾತದಲ್ಲಿ ದುರ್ಮರಣಕ್ಕೀಡಾಗಿದ್ದಾರೆ.

ಅಶ್ವಿನ್ ಅವರು ಚಾಲನೆ ಮಾಡುತ್ತಿದ್ದ ಬಿಎಂಡಬ್ಲ್ಯೂ ಕಾರು ನಿಯಂತ್ರಣ ತಪ್ಪಿ ರಸ್ತೆ ಬದಿಯಲ್ಲಿದ್ದ ಮರಕ್ಕೆ ಡಿಕ್ಕಿ ಹೊಡೆದು ಬೆಂಕಿಗಾಹುತಿಯಾಗಿದೆ. ಘಟನಾ ಸ್ಥಳದಲ್ಲಿಯೇ ಅಶ್ವಿನ್ ಮತ್ತು ಅವರ ಪತ್ನಿ ನಿವೇದಿತ ಸಜೀವ ದಹನವಾಗಿದ್ದಾರೆ.

ಚೆನ್ನೈ ಮರೀನಾ ಬೀಚ್ ಬಳಿ ಪಟ್ಟಿಣಂಪ್ಪಕ್ಕಂ ಎಂಬಲ್ಲಿ ಇಂದು ಮುಂಜಾನೆ 3.30 ಹೊತ್ತಿಗೆ ಈ ಅಪಘಾತ ಸಂಭವಿಸಿದೆ, ಅಶ್ವಿನ್ ಚಾಲನೆ ಮಾಡುತ್ತಿದ್ದ ಕಾರು ಅತಿ ವೇಗದಲ್ಲಿ ಚಲಿಸುತ್ತಿತ್ತು ಎಂದು ಪೊಲೀಸರು ಹೇಳಿದ್ದಾರೆ.

ಚೆನ್ನೈ ಲೀಲಾ ಪ್ಯಾಲೇಸ್‍ಗೆ ಹಿಂತಿರುಗುವ ಹೊತ್ತು ಈ ಅಪಘಾತ ಸಂಭವಿಸಿದ್ದು, ಕಾರು ಅಪಘಾತವನ್ನು ನೋಡಿದ ಕೆಲವು ಜನರು ದೃಶ್ಯವನ್ನು ರೆಕಾರ್ಡ್ ಮಾಡಿದರೆ, ಇನ್ನೊಬ್ಬ ವ್ಯಕ್ತಿ ಆ ದೃಶ್ಯವನ್ನು ಫೇಸ್‍ಬುಕ್ ಲೈವ್‍ ಪ್ರಸಾರ ಮಾಡಿದ್ದಾರೆ.

14ರ ಹರೆಯದಲ್ಲಿ ರೇಸಿಂಗ್ ಕ್ಷೇತ್ರಕ್ಕೆ ಕಾಲಿರಿಸಿದ್ದ ಅಶ್ವಿನ್ 2008ರಲ್ಲಿ ಜರ್ಮನ್ ಮೂಲದ ಮಾ ಕಾನ್ ಮೋಟರ್‍ ಸ್ಪೋರ್ಟ್ ರೇಸಿಂಗ್ ಟೀಂ ಜತೆ ಒಪ್ಪಂದಕ್ಕೆ ಸಹಿ ಹಾಕಿದ್ದರು

 

No Comments

Leave A Comment