Log In
BREAKING NEWS >
ಅಮರನಾಥ ಯಾತ್ರೆ ವೇಳೆ ಕದನ ವಿರಾಮ ಮುಂದುವರೆಸಲು ಸರ್ಕಾರ ನಿರ್ಧಾರ: ಭದ್ರತಾ ಸಂಸ್ಥೆಗಳ ವಿರೋಧ....

ಜಲ್ಲಿಕಟ್ಟು ವಿವಾದ: ಟ್ವಿಟರ್ ಖಾತೆಯನ್ನು ನಿಷ್ಕ್ರಿಯಗೊಳಿಸಿದ ನಟಿ ತ್ರಿಷಾ

ಚೆನ್ನೈ: ಜಲ್ಲಿಕಟ್ಟು ವಿವಾದ ಸಂಬಂಧ ಪ್ರತಿಕ್ರಿಯೆ ನೀಡಿ ಸಾಕಷ್ಟು ಟೀಕೆಗಳಿಗೆ ಒಳಗಾಗಿದ್ದ ಕಾಲಿವುಡ್ ನಟಿ ತ್ರಿಷಾ ಅವರು ಟ್ವಿಟರ್ ಖಾತೆಯನ್ನು ನಿಷ್ಕ್ರಿಯಗೊಳಿಸಿದ್ದಾರೆ.

ಜಲ್ಲಿಕಟ್ಟು ಕ್ರೀಡೆಗೆ ಅನುಮತಿ ನೀಡಬೇಕೆಂದು ತಮಿಳುನಾಡಿನ ಜನತೆ ಪ್ರತಿಭಟನೆ ನಡೆಸುತ್ತಿರುವ ಮಧ್ಯೆಯೇ ತ್ರಿಷಾ ಅವರ ಟ್ಟಿಟರ್ ಖಾತೆಯಿಂದ ಸಂದೇಶವೊಂದು ಬಂದಿತ್ತು. ನಾನು ತಮಿಳುಗಳಾಗಿದ್ದು, ‘ಪೆಟಾ’ಗೆ ಬೆಂಬಲ ವ್ಯಕ್ತಪಡಿಸುತ್ತಿದ್ದೇನೆ. ಸಂಪ್ರದಾಯ ಎಷ್ಟು ಹಳೆಯದೆಂಬುದು ಮುಖ್ಯವಲ್ಲ. ಪ್ರಾಣಿಗಳನ್ನು ಹಿಂಸಿಸುವುದನ್ನು ವಿರೋಧಿಸುತ್ತೇನೆಂದು ಹೇಳಲಾಗಿತ್ತು.

ಜಲ್ಲಿಕಟ್ಟು ವಿರೋಧಿಸುವ ‘ಪೆಟಾ’ವನ್ನು ಬೆಂಬಲಿಸಿದ್ದ ಕಾರಣಕ್ಕೆ ನಟಿ ತ್ರಿಷಾ ಅವರು ತಮಿಳುನಾಡಿನ ಜನರ ಪಾಲಿಕೆ ವಿಲನ್ ಆಗಿಬಿಟ್ಟಿದ್ದರು, ‘ಘರ್ಜನೈ’ ಚಿತ್ರದ ಶೂಟಿಂಗ್ ನಲ್ಲಿ ತ್ರಿಷಾ ಪಾಲ್ಕೊಂಡಿದ್ದ ವೇಳೆ ಸ್ಥಳಕ್ಕೆ ಬಂದಿದ್ದ ಹೋರಾಟಗಾರರ ತಂಡ ಪ್ರತಿಭಟನಗಿಳಿದಿತ್ತು. ಪ್ರತಿಭಟನೆ ಹಿನ್ನಲೆಯಲ್ಲಿ ತ್ರಿಷಾ ಅವರು ಶೂಟಿಂಗ್ ನ್ನು ಅರ್ಧದಲ್ಲಿಯೇ ಬಿಟ್ಟು ಮನೆಗೆ ಹೋಗಿದ್ದರು.

ನಂತರ ಟ್ಟಿಟರ್ ನಲ್ಲಿ ಪ್ರತಿಕ್ರಿಯೆ ನೀಡಿದ್ದ ತ್ರಿಷಾ ಅವರು, ಜಲ್ಲಿಕಟ್ಟು ವಿರುದ್ಧವಾಗಿ ನಾನು ಯಾವುದೇ ಹೇಳಿಕೆಯನ್ನು ನೀಡಿಲ್ಲ ಎಂದು ಹೇಳಿದ್ದರು.

ನಾನು ಯಾವುದೇ ಟ್ವೀಟ್’ನ್ನು ಮಾಡಿಲ್ಲ. ನನ್ನ ಟ್ವಿಟರ್ ಖಾತೆಯನ್ನು ದುಷ್ಕರ್ಮಿಗಳು ಹ್ಯಾಕ್ ಮಾಡಿದ್ದು, ಮುಂದಿನ ಕ್ರಮಗಳ ಕುರಿತಂತೆ ನಿರ್ಧಾರ ಕೈಗೊಳ್ಳುವವರೆಗೂ ಖಾತೆಯನ್ನು ನಿಷ್ಕ್ರಿಯಗೊಳಿಸುತ್ತಿದ್ದೇನೆಂದು ಹೇಳಿಕೊಂಡಿದ್ದಾರೆ.

No Comments

Leave A Comment