Log In
BREAKING NEWS >
ಉಡುಪಿಯ ಕಿನ್ನಿಮುಲ್ಕಿಯಲ್ಲಿ ಜನವರಿ 17ರ೦ದು ಸಾಯ೦ಕಾಲ 7ಗ೦ಟೆಗೆ ಉಡುಪಿಯ ಖ್ಯಾತ ಉದ್ಯಮಿ ಹಾಗೂ ಕಾ೦ಗ್ರೆಸ್ ಮುಖ೦ಡರಾದ ಕೆ.ಕೃಷ್ಣಮೂರ್ತಿ ಆಚಾರ್ಯ ಹಾಗೂ ನಗರ ಸಭಾ ಸದಸ್ಯರಾದ ಶ್ರೀಅಮೃತ ಕೃಷ್ಣಮೂರ್ತಿ ಆಚಾರ್ಯರವರ ಸಾರಥ್ಯದಲ್ಲಿ ನೂತನ ಯಶೋಧ ಆಟೋ ರಿಕ್ಷಾ ಅಸೋಸಿಯೇಷನ್ ಶುಭಾರ೦ಭಗೊಳ್ಳಲಿದೆ.

US ಅಂತಿಮ ಅಧ್ಯಕ್ಷೀಯ ಚರ್ಚೆಯಲ್ಲಿ ಟ್ರಂಪ್‌ ಎದುರು ಹಿಲರಿ ಜಯಭೇರಿ

hilary-clinton1-700ಲಾಸ್‌ ವೇಗಾಸ್‌ : ನಿನ್ನೆ ಬುಧವಾರ ರಾತ್ರಿ ನಡೆದಿದ್ದ ಅಮೆರಿಕ ಅಧ್ಯಕ್ಷೀಯ ಅಂತಿಮ ಚರ್ಚೆಯಲ್ಲಿ ಡೆಮೊಕ್ರಾಟಿಕ್‌ ನಾಮಿನಿ ಹಿಲರಿ ಕ್ಲಿಂಟನ್‌ ಅವರು ತಮ್ಮ ರಿಪಬ್ಲಿಕನ್‌ ಎದುರಾಳಿ ಡೋನಲ್ಡ್‌ ಟ್ರಂಪ್‌ ಅವರನ್ನು ಶೇ.52 – ಶೇ.39 ಮತಗಳ ಅಂತರದಲ್ಲಿ ಸೋಲಿಸಿರುವುದಾಗಿ ಸಿಎನ್‌ಎನ್‌ / ಓಆರ್‌ಸಿ ಚರ್ಚಾ ವೀಕ್ಷಕರ ಮತ ಗಣನೆಯಿಂದ ತಿಳಿದು ಬಂದಿದೆ.

ಚರ್ಚಾ ವೀಕ್ಷಕರ ಈ ಮತ ಗಣನೆಯಲ್ಲಿ ಶೇ.4ರಷ್ಟು ತಪ್ಪು ಒಪ್ಪು ಆಗಿರುವ ಸಂಭಾವ್ಯತೆ ಇದೆಯಾದರೂ ಹಿಲರಿ ಕ್ಲಿಂಟನ್‌ ಅವರು ಟ್ರಂಪ್‌ ಎದುರು ಗೆಲವು ಸಾಧಿಸಿರುವುದು ನಿಚ್ಚಳವಿದೆ ಎಂದು ಸಮೀಕ್ಷೆ ತಿಳಿಸಿದೆ.

ಮಾದರಿ ಚರ್ಚಾ ವೀಕ್ಷಕರಲ್ಲಿ ಶೇ.36 ಡೆಮೋಕ್ರಾಟಿಕ್‌ ಮತ್ತು ಶೇ.29 ರಿಪಬ್ಲಿಕನ್‌ ಒಲವು ಹೊಂದಿದ್ದರು. ಎಲ್ಲ ಅಮೆರಿಕನ್ನರ ಸರಾಸರಿ ಮತ ಗಣನೆಯಲ್ಲಿ ರಿಪಬ್ಲಿಕನ್‌ ಗಿಂತಲೂ ಹೆಚ್ಚಿನ ಪ್ರಮಾಣದಲ್ಲಿ ಡೆಮೋಕ್ರಾಟಿಕ್‌ಗಳು ಇದ್ದರು.

ಈ ಅಂತಿಮ ಅಧ್ಯಕ್ಷೀಯ ಚರ್ಚೆಯಲ್ಲಿ ಟ್ರಂಪ್‌ ನಿರ್ವಹಣೆ ನಿರೀಕ್ಷೆಗಿಂತಲೂ ಉತ್ತಮವೇ ಇತ್ತು. ಹತ್ತರಲಿ ಆರು ಮಂದಿ ಟ್ರಂಪ್‌ ನಿರೀಕ್ಷೆಗಿಂತಲೂ ಉತ್ತಮ ನಿರ್ವಹಣೆ ತೋರಿರುವುದಾಗಿ ಹೇಳಿದರು. ಶೇ.44 ಮಂದಿ ಹಿಲರಿ ನಿರ್ವಹಣೆಯ ಬಗ್ಗೆ ಇದೇ ಅಭಿಪ್ರಾಯವನ್ನು ವ್ಯಕ್ತಪಡಿಸಿದರು.

ನೆವಾಡಾ ವಿಶ್ವವಿದ್ಯಾಲಯದಲ್ಲಿ ಈ ಅಂತಿಮ ಅಧ್ಯಕ್ಷೀಯ ಚರ್ಚೆಯು ನಡೆದಿತ್ತು. ಇದನ್ನು ಫಾಕ್ಸ್‌ ನ್ಯೂಸ್‌ನ ಕ್ರಿಸ್‌ ವ್ಯಾಲೇಸ್‌ ಅವರು ನಡೆಸಿಕೊಟ್ಟರು.

No Comments

Leave A Comment