Log In
BREAKING NEWS >
Smriti Irani says writing on the wall for Rahul Gandhi...

ಅರಬ್ಬಿ ಸಮುದ್ರದಲ್ಲಿ ಮೀನುಗಾರಿಕಾ ಬೋಟ್‌ಗೆ ಬೆಂಕಿ

ಕಾರವಾರ: ಅರಬ್ಬಿ ಸಮುದ್ರದಲ್ಲಿ ಮೀನುಗಾರಿಕೆಗೆ ತೆರಳಿದ್ದ ಜಲಪದ್ಮ ಎಂಬ ಬೋಟ್‌ಗೆ ಬುಧವಾರ ಮಧ್ಯಾಹ್ನ 3:30ರ ಸುಮಾರಿಗೆ ಬೆಂಕಿ ಬಿದ್ದಿದೆ. ಬೋಟ್‌ನಲ್ಲಿನ ಬ್ಯಾಟರಿ ಸ್ಫೋಟ ಹಾಗೂ ಎಂಜಿನ್‌ನಲ್ಲಿನ ತಾಂತ್ರಿಕ ತೊಂದರೆಯಿಂದ ಬೋಟ್‌ಗೆ ಬೆಂಕಿ ಹೊತ್ತಿಕೊಂಡಿದೆ ಎನ್ನಲಾಗಿದೆ.

ಬೆಂಕಿ ನೋಡಿದ ಕೂಡಲೇ ಇತರ ಬೋಟ್‌ಗಳಲ್ಲಿನ ಮೀನುಗಾರರು ನೆರವಿಗೆ ಧಾವಿಸಿದರು. ಜಲಪದ್ಮ ಬೋಟ್‌ನಲ್ಲಿದ್ದ ಆರು ಜನ ಕಾರ್ಮಿಕರನ್ನು ರಕ್ಷಿಸಿ ಮೀನುಗಾರಿಕಾ ಬಂದರಿಗೆ ಕರೆ ತರಲಾಯಿತು. ಬಳಿಕ, ಆ್ಯಂಬುಲೆನ್ಸ್‌ ಮೂಲಕ ಜಿಲ್ಲಾಸ್ಪತ್ರೆಗೆ ದಾಖಲಿಸಲಾಯಿತು. ಬೆಂಕಿ ಅನಾಹುತದಿಂದ ಒಬ್ಬನಿಗೆ ತೀವ್ರ ಸುಟ್ಟಗಾಯಗಳಾಗಿದ್ದು, ಐವರು ಕಾರ್ಮಿಕರಿಗೆ ಸಣ್ಣಪುಟ್ಟ ಗಾಯಗಳಾಗಿವೆ.

ಕಾರವಾರದ ವಾಮನ ಹರಿಕಂತ್ರ ಎಂಬುವರಿಗೆ ಸೇರಿದ ಪರ್ಶಿಯನ್‌ ಬೋಟ್‌ ಇದಾಗಿದೆ. ಬೋಟ್‌ನಲ್ಲಿ ಸ್ಥಳೀಯರು ಎಷ್ಟು ಜನರಿದ್ದರು, ಒಡಿಶಾ ಛತ್ತೀಸಘಡದ ಕಾರ್ಮಿಕರು ಎಷ್ಟು ಜನರಿದ್ದರು ಎಂಬುದು ಇನ್ನಷ್ಟೇ ತಿಳಿದು ಬರಬೇಕಿದೆ. ಬೋಟ್‌ನಲ್ಲಿ ಒಟ್ಟು 24 ಜನರಿದ್ದು, ಅವರಲ್ಲಿ 7 ಮಂದಿ ಗಾಯಗೊಂಡವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ. ಉಳಿದವರನ್ನು ರಕ್ಷಿಸಲಾಗಿದೆ ಎಂದು ಹೇಳಲಾಗುತ್ತಿದೆ. ಮಾಹಿತಿ ತಿಳಿಯುತ್ತಿದ್ದಂತೆ ಶಾಸಕಿ ರೂಪಾಲಿ ನಾಯ್ಕ ಆಸ್ಪತ್ರೆಗೆ ಭೇಟಿ ನೀಡಿ ಕಾರ್ಮಿಕರ ಆರೋಗ್ಯ ಸ್ಥಿತಿ ಗಮನಿಸಿ, ಸಾಂತ್ವನ ಹೇಳಿದರು. ತಹಶೀಲ್ದಾರ್‌ ಶ್ರೀದೇವಿ ಭಟ್‌ ಇದ್ದರು. ಗಾಯಾಳುಗಳಿಗೆ ಬೇಕಾದ ನೆರವು ನೀಡಲು ವೈದ್ಯರಿಗೆ ಸೂಚಿಸಿದರು.

No Comments

Leave A Comment