Log In
BREAKING NEWS >
ಉಗ್ರರ ಬಾ೦ಬ್ ಧಾಳಿಯಲ್ಲಿ ಹತರಾದ ಭಾರತೀಯ ಯೋಧರ ನಿಧನಕ್ಕೆ "ಕರಾವಳಿ ಕಿರಣ ಡಾಟ್ ಕಾ೦" ತೀವ್ರವಾದ ಸ೦ತಾಪವನ್ನು ಸೂಚಿಸಿದೆ.ಮಾತ್ರವಲ್ಲದೇ ಮೃತರ ಮನೆವರರಿಗೆ ದು:ಖವನ್ನು ಸಹಿಸುವ೦ತ ಶಕ್ತಿಯನ್ನು ದೇವರು ಕರುಣಿಸಲೆ೦ದು ಪ್ರಾರ್ಥಿಸುತ್ತದೆ... ...ಪಾಕ್‌ ಉಗ್ರ ನೆಲೆಗಳ ಸಂಪೂರ್ಣ ಧ್ವಂಸ:ವಿಶ್ವ ಹಿಂದೂ ಪರಿಷತ್‌ ಆಗ್ರಹ..

ಕ್ವಿಟೋವಾಗೆ 3ನೇ ಮ್ಯಾಡ್ರಿಡ್‌ ಕಿರೀಟ

ಮ್ಯಾಡ್ರಿಡ್‌: ಜೆಕ್‌ ಗಣರಾಜ್ಯದ ಪೆಟ್ರಾ ಕ್ವಿಟೋವಾ 3ನೇ ಬಾರಿಗೆ “ಮ್ಯಾಡ್ರಿಡ್‌ ಓಪನ್‌’ ಟೆನಿಸ್‌ ಕಿರೀಟದಿಂದ ಅಲಂಕೃತಗೊಂಡಿದ್ದಾರೆ. ಆದರೆ ಇದಕ್ಕಾಗಿ ಅವರು ಫೈನಲ್‌ನಲ್ಲಿ ನಿರೀಕ್ಷೆಗೂ ಮೀರಿದ ಪೈಪೋಟಿ ಎದುರಿಸಬೇಕಾಯಿತು. ಒಂದು ಹಂತದಲ್ಲಂತೂ ಸೋತೇ ಬಿಟ್ಟರು ಎಂಬ ಹಂತಕ್ಕೆ ಮುಟ್ಟಿದ್ದರು.

ಪ್ರಶಸ್ತಿ ಸಮರದಲ್ಲಿ ಕ್ವಿಟೋವಾಗೆ ಎದುರಾದವರು ಅನೇಕ ದೊಡ್ಡ ಬೇಟೆಗಳನ್ನು ಪೂರೈಸಿ ಬಂದ ಹಾಲೆಂಡಿನ ಕಿಕಿ ಬರ್ಟೆನ್ಸ್‌. ಶ್ರೇಯಾಂಕ ರಹಿತ ಆಟಗಾರ್ತಿಯಾಗಿದ್ದ ಬರ್ಟೆನ್ಸ್‌ ಫೈನಲ್‌ ಹಾದಿಯಲ್ಲಿ ಮಾಜಿ ನಂಬರ್‌ ವನ್‌ ತಾರೆಗಳಾದ ಮರಿಯಾ ಶರಪೋವಾ, ಕ್ಯಾರೋಲಿನ್‌ ವೋಜ್ನಿಯಾಕಿ ಮೊದಲಾದವರನ್ನು ಮಣಿಸಿದ್ದರು. ಆದರೆ ಕ್ವಿಟೋವಾ ವಿರುದ್ಧ 2 ಗಂಟೆ, 51 ನಿಮಿಷಗಳ ಅಮೋಘ ಹೋರಾಟ ನಡೆಸಿದರೂ ಬರ್ಟೆನ್ಸ್‌ ಬಚಾವಾಗಲಿಲ್ಲ. 7-6 (8-6), 4-6, 6-3 ಅಂತರದಿಂದ ಗೆದ್ದ ಕ್ವಿಟೋವಾ ತಮ್ಮ ಟೆನಿಸ್‌ ಬಾಳ್ವೆಯ 24ನೇ ಪ್ರಶಸ್ತಿಯನ್ನು ಎತ್ತಿಹಿಡಿಯುವಲ್ಲಿ ಯಶಸ್ವಿಯಾದರು. ಇದಕ್ಕೂ ಮುನ್ನ ಅವರು 2011 ಮತ್ತು 2015ರಲ್ಲಿ ಮ್ಯಾಡ್ರಿಡ್‌ ಚಾಂಪಿಯನ್‌ ಆಗಿದ್ದರು.

ಇದು ಈ ವರ್ಷ ಪೆಟ್ರಾ ಕ್ವಿಟೋವಾಗೆ ಒಲಿದ 4ನೇ ಟೆನಿಸ್‌ ಪ್ರಶಸ್ತಿ. ಸೇಂಟ್‌ ಪೀಟರ್ಬರ್ಗ್‌, ದೋಹಾ ಮತ್ತು ಕಳೆದ ವಾರವಷ್ಟೇ ಪರಗ್ವೆ ಪಂದ್ಯಾವಳಿಯಲ್ಲೂ ಪೆಟ್ರೋವಾ ಚಾಂಪಿಯನ್‌ ಆಗಿದ್ದರು.

ಕಿಕಿ ಬರ್ಟೆನ್ಸ್‌ ತಮ್ಮ ಹಿಂದಿನ 6 ಫೈನಲ್‌ಗ‌ಳಲ್ಲಿ ಐದನ್ನು ಜಯಿಸಿದ್ದರು. ಇದರಲ್ಲಿ ಈ ವರ್ಷದ ಚಾರ್ಲ್ಸ್‌ಟನ್‌ ಪ್ರಶಸ್ತಿಯೂ ಸೇರಿದೆ.

No Comments

Leave A Comment